Sot më 2 maj, Kisha katolike kremton të dielën V të kohës së Pashkëve e po
këtë ditë kalendari Kishtar përkujton edhe Shën Athanasin, ipeshkëv i Aleksandrisë
dhe doktor i Kishës. Liturgjia e festës na nxit të meditojmë se për të mos pasur
më uri as etje, duhet besuar në Jezu Krishtin, që është buka e jetës së vërtetë. Nesër
e hënë 3 maj, sipas kalendarit kishtar do të kremtohet festa e Shenjtorëve Filipit
dhe Jakut të Vogël, Apostuj, e Aleksandrit, Evecit, e Teodulit, martirë. Shembulli
i tyre na kujton se përmes Jezusit hyjmë në bashkim me Atin në Shpirtin Shenjt. Jezusi
na prin tek Ati për të na bërë të jetojmë në Të jetën e vetë Trinisë Shenjte Hyjnore. Të
martën më 4 maj, përkujtohet Shën Antonina, martire dhe e Shën Floriani. Liturgjia
e shenjtë i jep përgjigje pyetjes jetike që i bën vetes çdo njeri: prej nga vijmë,
pse jetojmë e ku shkojmë? Kush beson në Krishtin, nuk ka frikë nga vështirësitë, e
as nga vetë vdekja. Ai na përgatit një vend e na merr me vete, sepse na do. Gjithë
jeta e Tij dëshmon se në zemrën e Zotit ka gjithnjë vend edhe për ne. Të
mërkurën më 5 maj, kalendari Kishtar do të përkujton festën e e Shën Angjelinit
dhe e të Lumit Nunci Sulpricio nga Napoli. Liturgjia e ditës na kujton s e gjithçka
bëri Jezusi, e sidomos vdekja dhe ngjallja e Tij, janë vepër e Atit. E edhe gjithçka
na ndodh neve në jetë, në se besojmë në Krishtin, na çon tek Ati, që është gati t’i
shpëtojë gjithë njerëzit e mbarë popujt. Të enjten e ardhshme
më 6 maj, kalendari i Kishës katolike përkujton Shën Marjanin e Jakun, martirë.
Liturgjia e festës pohon se secili nga ne ka nevojë të gjejë rrugën e vet në jetë:
Jezusi na fton të ecim pas tij, si grigja pas bariut, drejt gurrave të jetës. E jo
vetëm në këtë botë, por në amshim. Liturgjia na fton të bashkojmë zërin në thirrjen:
“Bekoje, o Zot, veprën e duarve tua”.
Të premten që vjen më 7 maj, kalendari
kishtar përkujton Shën Flavia Domitilen, martire romake; Shën Flavion e Augustin dhe
të Lumën Roza Venerini, virgjër e themeluese të Motrave ‘Mësuese të Përshpirtshme
Venerini’. Liturgjia na nxit të meditojmë mbi jetën e njeriut, që kalon shumë çaste
të gëzuara, por jo më pak edhe të trishtuara e na fton që, të sigurtë në premtimin
e të Ngjallurit, t’i shikojmë vuajtjet tokësore si prelud i galdimit të ringjalljes.
Jezusi i ngjallur kthehet tek Ati, pasi na ka hapur edhe ne portën për të hyrë te
Hyji Të shtunën e ardhshme më 8 maj, kalendari kishtar përkujton
Shën Viktorin, martir të Milanos, Shën Bonifacin e IV papë, Shën Benediktin e II,
papë, Shën Arsenin, diakon të Romës dhe Shën Magdalenën e Kanosës. Kujtojmë se këtë
të shtune në mes ditë besimtarët i drejtojnë lutjen Zojës së Bekuar Rruzare të Pompejit.
Liturgjia e së enjtes na kujton se feja e besimtarëve rritet në bashkim të ngushtë
me transmetimin e pandërprerë të Fjalës së Krishtit të ngjallur nga ana e Kishës,
e cila këtë ditë ia kushton nderimit të Zojës së Bekuar Të dielën
më 9 maj, Kisha kremton të dielën e 6-të të Pashkëve e po këtë të diele kalendari
përkujton edhe Shën Pakomin, abat dhe Shën Izainë, profet. Liturgjia e ditës pohon
se ndjekur Zotin, dishepulli i vërtetë e dëshmon Krishtin e Kryqëzuar e të Ngjallur
duke i lidhur ngushtë fjalët me vepra. Meriton kështu epitetin ‘njeri i drejtë’ dhe
premtimin për të kundruar fytyrën e Zotit në amshim.