Një ditë e ngarkuar me veprimtari: nesër Benedikti XVI do të vizitojë Torinon, me
rastin ekspozimit të Sindonës.
(01.05.2010 RV)Nesër, në orën 8. 00, Ati i Shenjtë do të niset me helikopter
nga Vatikani për në aeroportin e Çampinos e, që aty, me avion, në aeroportin Torino-Kazele. Papa
do të arrijë në aeroportin Torino-Kazele rreth orës 9.15. Për ta pritur do të
dalin kardinali Severino Poleto, kryeipeshkëv i Torinos, doktor Xhani Leta, zevendës-sekretar
i Kryesisë së Këshillit të Ministrave, përfaqësues i qeverisë italiane dhe autoritete
të tjera shtetërore, diplomatike e kishtare. Nga aeroporti, Papa do të shkojë menjëherë
në Sheshin e Shën Karlit ku, në orën 9.45, do të takohet me banorët, për të kremtuar,
po këtu, në orën 10.15, Meshën Shenjte. Në përfundim të Meshës, dreka me ipeshkvijtë
në Selinë e Kryeipeshkvnisë. Pasdite, në orën 16. 30, takimi i shumëpritur me
të rinjtë, të cilëve Papa do t’u drejtojë një fjalim. Pas takimit, vizita në Katedrale
dhe meditimi para Sindonës Në oroën 18. 15 – vizita në Shtëpinë e Vogël të Provanisë
Hyjnore-Kotolengo. Më pas, në Kishën e Kotolengos, takimi me të sëmurët dhe fjalimi
i rastit.Në orën 19.30 rikthimi në areoportin Torino-Kazale e, më pas, në Vatikan,
ku pritet të arrijë rreth orës 20. 45.