Вярона (Італія). Феномен «хрысціянафабіі» - нянавісці да хрысціянаў абмяркоўвалі
ўдзельнікі нарады «Пераслед хрысціян: забытая драма».
200 мільёнаў хрысціян церпяць сёння за сваю веру . На жаль, размова ідзе не пра
абстрактныя меркаванні, а пра суроваую рэчаіснасць: хрысціян па-ранейшаму пераследуюць
ў многіх частках зямнога шара. Гэта адбываецца, у прыватнасці, у Індыі, у штаце Орыса,
ў іракскім Масуле, а таксама ў Егіпце, Турцыі і Саудаўскай Аравіі. Падзвяргаць хрысціянаў
ганенням схільныя і ў камуністычных дзяржавах - Кітаі, В'етнаме і Лаосе, - але таксама
і там, дзе хрысціяне ўдзельнічаюць у барацьбе з наркагандлем, напрыклад, у Мексіцы
і Калумбіі. Адпраўным пунктам дыскусіі паслужыла новая кніга французскага пісьменніка
Рэнэ Гіттона: «Хрыціянафабія: новае ганенне». Аўтар - лаўрэат французскай прэміі Лігі
правоў чалавека. Кніга ахоплівае не толькі выпадкі відавочных і жорсткіх пераследаў,
але і абыякавасць Захаду да праблемы. Была на нарадзе прадстаўлена яшчэ адна кніга:
«Вайна супраць хрысціян. Пераслед і дыскрымінацыя хрысьціянаў у сьвеце .Яе аўтар -
дэпутат Еўрапарламента Марыё Маўр,які навукова засведчыў, што расце непрыязнасьць
да хрысціянскіх абшчынаў ў Пакістане, Іраку, Індыі і Кітаі. Гэтай тэме сталую
ўвагу надае Папа Бэнэдыкт XVI, які не раз заклікаў да мабілізацыі сумлення ў абарону
«новых пераследаваных».