Papa takon presidentin Napolitano në Vatikan

(29.4.2010 RV)Zgjati mbi 20 minuta biseda ndërmjet Papës Benediktit XVI e presidentit të Italisë Napolitano, në sallën pranë Sallës së Palit VI në Vatikan para koncertit ofruar nga kreu i Shtetit të Italisë me rastin e pesë vjetorit të Papnisë së Benediktit XVI.
Ati i Shenjtë Racinger, sipas njoftimit të zëdhënësit të Vatikanit Atë Lombardit, “ka falënderuar kryetarin e Shtetit për koncertin homazh dhe afërsinë që si presidenti po kështu edhe qytetarët italianë i kanë shpreh vazhdimisht”.
Biseda ka prek disa tema të aktualitetit ndërkombëtar: në rend të parë gjendjen në Lindje të Mesme, ku presidenti Napolitano ka qenë kohëve të fundit me udhëtimin e tij në Siri. Papa foli për asamblenë e ardhshme të veçantë të Sinodit të ipeshkvijve për Lindjen e Mesme që është në program të mbahet në tetorin e ardhshëm.
Në mbarim, Papa përsëri garantoi “lutjen e tij për kombin e dashur italian”.
Me rastin e koncertit, presidenti Napolitano i ka ofruar si dhuratë Papës Benediktit XVI një botim anastatik të veprës ‘De Europa’ të Enea Silvio Piccolomini, Papës Piut II, me përkthimin në italisht.