Serbia mund të hyjë në dialog me Kosovën, por brenda rezolutës 1244
(28.04.2010 RV)Ministri i jashtëm italian, Franko Fratini mbërriti sot në Prishtinë,
pas vizitës në Serbi. “Vlerësojmë idenë e Serbisë për një ‘projekt 2020” zhvillimi
ekonomik në Ballkan”, deklaroi ai në Beograd. Propozimi parashikon krijimin e një
strategjie ballkanike në të njëjtën linjë me projektin “Evropa 2020”, mbi bazën e
të cilit mund të fitohen financime dhe mbështetje teknike në sektorët e energjisë,
të infrastrukturës, të bashkëpunimit shkencor e teknologjik dhe në atë shoqëror e
kulturor. Përsa i përket pranisë së Kosovës në Konferencën e Sarajevës, Beogradi nuk
është dakord, por pranon takime me krerët e delegacioneve, me kusht që ato të mos
merren si takime ndërmjet dy shteteve.