Sipas Serbëve të Bosnjës në Srebrenicë nuk ka pasur gjenocid
(27.4.2010 RV)Serbët e Bosnjës vazhdojnë të mendojnë e të konsiderojnë që
në Serbrenicë ka pa pasur kurrfarë gjenocidi dhe mendojnë se rezoluta e dënimit të
asaj masakre miratuar në fund të marsit nga parlamenti i Beogradit nuk është në asnjë
mënyrë zyrtare dhe e vlefshme. Në një intervistë botuar sot në të përdtishmën ‘Veçernje
Novosti’ kryeministri i Republikës serbe të Bosnjës e Hercegovinës, Milorad Dodik,
ka kritikuar Serbinë për miratimin e një dokumenti në të cilin përmendet gjenocidi
e që nuk janë trajtuar në të njëjtën mënyrë krimet tjera që kanë ndodhur në Ballkan.
Dodik tha se populli kurrë nuk do ta pranojë se Srebrenica ishte gjenocid. Këtë
deklaratë ai e bëri për një të përditshmen të Beogradit. Masakra e Srebrenicës, në
të cilën janë vrarë afro 8 mijë myslimanë të Bosnjës, është e vetmja ngjarje e luftës
në Bosnjë, gjatë viteve 1992 - 1995, që është vlerësuar si gjenocid nga Gjykata Ndërkombëtare
e Drejtësisë dhe nga Gjykata e Hagës për Krime të Luftës. Hetuesit kanë thënë
se forcat serbe të Bosnjës kanë ekzekutuar afro 8 mijë burra e djem myslimanë, pasi
e kishin marrë kontrollin ndaj qytetit, më 11 korrik të vitit 1995. Dodik poashtu
e ka hedhur poshtë raportin e vitit 2004, me të cilin qeveria e Republikës Serbe e
ka pranuar shkallën e vrasjeve dhe ka kërkuar falje nga farefisi i myslimanëve të
vrarë në Srebrenicë. Dodiku tha se atje ishin vrarë vetëm 3500 njerëz. Intervista
e Milorad Dodikut është publikuar në të njëjtën ditë, derisa kryeprokurori i Tribunalit
të Hagës, Serzh Bramerc, pritet që për të parën herë ta vizitojë Srebrenicën.