(27.4.2010 RV)Sot, Fratini filloi vizitën zyrtare në Serbi e nesër në Kosovë.
Në Prishtinë do të qëndrojë nesër. Objektivi i Romës është të shmangë në konferencën
e Sarajevës, më 2 qershor, përsëritjen e skenarit të Konferencës së Brdos, më 20 marsin
e kaluar, ku Beogradi nuk shkoi për shkak se ishte i pranishëm kryeministri kosovar,
Hashim Thaçi. Fratini u bëri të qartë autoriteteve serbe se është e vështirë
të mendohet integrimi i vendit në Bashkimin Evropian, nëse nuk arrijnë një marrëveshje
me Prishtinën. Kuvendi i Republikës së Kosovës nesër në orët e pasdites do
të mbajë një seancë solemne me rastin e vizitës në Kosovë të Ministrit të Punëve të
Jashtme të Italisë, Franko Fratini. Deputetëve dhe mysafirëve të ftuar do t'u adresohet
me një fjalë rasti Ministri Fratini. Paraprakisht, kryetari i Kuvendit të Kosovës
Jakup Krasniqi e pret z. Frattini dhe delegacionin italian që e shoqëron.