Рым. Кардынал Садано: абарона правоў чалавекаі рэлігійнай свабоды - вось "палітыка"
Касцёла
«Абарона правоў чалавека і рэлігійнай свабоды ў сучасным кантэксце з’яўляецца цэнтрам
дзейнасці Касцёла», — адзначыў кардынал Анджэло Содано. Былы Дзяржаўны сакратар Ватыкана
і сённяшні дэкан Калегіі Кардыналаў 22 красавіка прыняў удзел ва ўрачыстай цырымоніі
ўручэння дыпломаў у галіне палітычных навук у рымскім Універсітэце - Libera Universita'
Maria Ss. Assunta ( Унебаўзяцця Найсвяцейшай Панны Марыі). Кардынал Содано падкрэсліў,
што палітыка Касцёла кіруецца ўласным правам, зыходзячым з евангельскага метада. Яе
ключавымі пунктамі з’яўляюцца распаўсюджванне Евангелля ва ўсім свеце, устанаўленне
міру паміж народамі і сцверджанне годнасці кожнай чалавечай асобы. Дэкан Калегіі Кардыналаў
нагадаў, што нягледзячы на аніякія ідэалогіі, Касцёл павінен абвяшчаць Евангелле.
Па словах іерарха, дзейнасць Касцёла згодная таксама з прынцыпамі, сцверджанымі ва
Усеагульнай Дэкларацыі Правоў Чалавека, фундаментам якіх з’яўляецца натуральнае права.
Без яго міжнародная грамадскасць не мае магчымасці знайсці і пашыраць ўзаемапаразуменне.