Dita e 40-të botërore e Tokës, me temën: “Dëgjoje Tokën”. Bota kërcënohet nga egoizmi.
(22.4.2010 RV)Sot në 190 Vende të botës u kremtua Dita e 40-të botërore e Tokës,
me temën: “Dëgjoje Tokën”. “Toka nënë - shtëpia jonë e vetme - është nën shtypje”.
“U kërkoj të gjitha Qeveria, firmave, sipërmarrjeve, qytetarëve të botës të tregojnë
ndaj nënës sonë Tokë respekt e kujdesin që meriton”. Kjo është thirrja e sekretarit
të përgjithshëm të OKB-së Ban Ki-Moon në mesazhin e tij për Ditën Botërore kushtuar
Tokës. Sivjet, mëse 12 mijë organizatorë promovuan në 190 Vende të botës, kremtime
e manifestime mbi temat e mbrojtjes e të ruajtjes së tokës. Të gjitha nismat përkujtojnë
se çdo person mund të bëhët protagonist duke marrë një qendrim të ndërgjegjshëm e
duke njohur rëndësinë që roli i tij personal në mbrojtjen e planetit. Dita Botërore
e Tokës është si ditë e apelimit ndaj problemeve kryesore që lidhen me degradimin
e tokës si rezultat i braktisjes dhe keqpërdorimit të saj, ndotjes nga industritë
kimike, erozionit të shkaktuar nga shpyllëzimet masive, etj. Ishte 22 prilli i
vitit 1970 kur, duke iu përgjigjur një apeli të senatorit amerikan Gaylord Nelson,
mëse 20 milionë qytetarë amerikanë u mobilizuan duke marrë pjesë në një sërë manifestimesh
në mbrojtje të mjedisit. Që atëherë, është bërë ngjarje ndërkombëtare për promovimin
e mbështetjes së politikave të zhvillimit.