Каталікі Кіргізіі асцерагаюцца удзельнічаць у Св. Імшы

16 красавіка – каталіцкія веруючыя парафій Кіргізіі асцерагаюцца наведваць Св. Імшу з-за нестабільнай сітуацыі ў краіне, паведамляе «Сібірская каталіцкая газета»
«У Оше Св. Імша апошні час не цэлебруецца. Парафіяне патэлефанавалі і сказалі, што ня прыйдуць на Св. Імшу ў нядзелю, таму што баяцца ", - паведаміў радыёстанцыі манах-езуіт Даміян Вайцехоўскі, які працуе у каталіцкай парафіі Кіргізіі ўжо сёмы год.

Па яго словах, людзі вельмі напалоханыя. «Бо пераважная колькасць нашых парафіян - гэта людзі рускамоўныя, гэта значыць не кіргізы. І ў такіх крызісных сітуацыях рускамоўныя і ўвогуле ўсе людзі з белым колерам скуры вельмі асцерагаюцца і не ведаюць, чаго чакаць », - падзяліўся сваімі думкамі брат Даміян.

"Звычайна рэвалюцыйныя выступленні праходзяць пасля абеду, а ўначы на вуліцы выходзіць кіргізская моладзь, і пачынаюцца страшэнныя рэчы. Гэтыя людзі звычайна бываюць у стане алкагольнага або наркатычнага ап'янення і займаюцца рабаваннем магазінаў. На гэты раз у сталіцы было абрабавана каля 70 розных будынкаў, а некаторыя з іх спалены дашчэнту », - распавёў манах.

У той жа час, па інфармацыі брата Даміяна, сярод пацярпелых падчас перавароту каталікоў няма. «Непасрэдна ад рэвалюцыі ніхто з каталікоў не пацярпеў: ні нашы парафіі, ні нашы храмы, ні нашы святары і сёстры-манашкі», - сказаў ён.

У цяперашні час у Кіргізіі дзейнічаюць тры каталіцкія парафіі ў якіх стала знаходзяцца святары - у Бішкеку, Таласе і Джелалабаде. Большасць парафіянаў складаюць вернікі польскага паходжання, але сярод іх таксама ёсць рускія, немцы, карэйцы і кіргізы.