Պենետիկտոս ԺԶ Հռոմի Պապին Հինգ Տարուայ Քահանայապետութիւն։

19 ապրիլ 2005ին, կարտինալ Ժոզէֆ Ռացինկեր կը բարձրանայ Ս. Պետրոսի գահը, առնելով Պենետիկտոս ԺԶ անունը եւ դառնալով 265-րդ Հռոմի Պապը։

Անոր ընտրութեան համար երկու օր բաւեց։ Այս հինգ տարիներու ընթացքին Նորին Սրբութիւնը 14 առաքելական ճամբորդութիւններ կատարեց Իտալիայէն դուրս։

Հրապարակեց երեք շրջաբերական թուղթեր, գումարեց երկու կարտինալական ժողովներ եւ հռչակեց 28 նոր սուրբեր։

Հինգ տարիները արագընթաց անցան եւ եղան դէպքերով կուռ, զանոնք կարդալու համար հարկ է վերադառնալ Սիքստեան մատրան մէջ Սրբազան Հօր արտասանած ճառին, երբ նորընտիր Քահանայապետը կը ժառանգէր հոգեւոր մեծ աւանդը իր ՜՜Մեծ Նախորդին՝՝ եւ կը մատնանշէր առաջնահերթութիւնները, որ պիտի ուղղէր իր ծառայութիւնը ''Տիրոջ այգիին մէջ''։

Այդ առաջնահերթութիւնները եղան.

Մարդուն յարաբերութիւնը Աստուծոյ հետ, մեզի յայտնուեցաւ Յիսուս Քրիստոսի անձին մէջ, եւ Անոր հետ կը հանդիպինք մասնաւորապէս ամենասուրբ Հաղորդութեան ու Եկեղեցւոյ պաշտամունքին մէջ։


• Անխոնջ յանձնառումը կերտելու ''Քրիստոսի հետեւորդներու կատարեալ ու տեսանելի միութիւնը''։
  


• Իղձը ,օգնութեան հասնելու՝ ժամանակակից մարդու, որ անապահովութենէն ու վախէ վրդոված կը հարցադրէ իր գոյութեան նշանակութեան մասին։
  


• ''Բաց ու անկեղծ'' երկխօսութիւնը այլ կրօններու հետեւորդներու հետ եւ անոնց որոնք կը փնտռեն ճշմարիտ բարիքը մարդու եւ ընկերութեան։
  

Տարակոյս չկայ որ ասոնք եղան Պենետիկտոս ԺԶ .ի քահանայապետութեան առաջնահերթութիւնները, որոնք ան արիութեամբ ու վստահութեամբ կը կատարէ հակառակ զանազան լարուածութիւններու ու խոչընդոտներու։

Պենետիկտոս ԺԶ Քահանայապետին միակ մտահոգութիւնն է ցոլացնել ոչ թէ իր` այլ Քրիստոսի լոյսը, Աուշվից, Իսթանպուլ, Նիւ Եորք,Փարիզ, Ափրիկէ, Ս. Երկիր։ Հրէական տաճարներ եւ մզկիթներ։ Շրջաբերական թուղթեր. Սիրոյ, Յոյսի եւ Բարոյականի` հայող բարգաւաճումի, տնտեսութեան ու բնապահպանութեան յարգանքի։

Հարուստ եւ բեղուն Հաշուեյարդար մը ի սպաս Աստուծոյ ու մարդկութեան։ Շարունակելիք Ճանապարհ մը հաստատ ու վստահ քայլերով։

Մալթա կատարած առաքելական ճամբորդութենէ ետք, Նորին Սրբութիւնը, ուխտաւորի ցուպը ձեռքը՝ կը պատրաստուի, 2010 տարւոյն ընթացքին, երթալ.

Փոթուկալ Մայիս 11-14, կանգ առնելով Լիզպոն, ֆաթիմա եւ Փորթօ։


• Յունական Կիպրոսը Յունիս 4-6։ Պենետիկտոս ԺԶ. առաջին Քահանայապետը պիտի ըլլայ որ ոտք կը դնէ այդ հողին վրայ։
  


• Անգլիա 16-19 Սեպտեմբեր Աստուծոյ ծառայ կարտինալ Նիումանի երանացման ծիսակատարութիւնը կատարելու։
  


• Սպանիա 6-7 Նոյեմբեր օծելու՝ Պարսելոնայի աթոռանիստ եկեղեցին եւ ուխտագնացութիւն կատարելու՝ Յակոբ առաքեալի սրբավայրը։