Закончылася апостальскае падарожжа Бэнэдыкта 16 на Мальту, Апошні дзень: сустрэча
з моладдзю
Было гэта ўжо 14-е падарожжа Святога Айца па-за межы Італіі. Пасля абеду,
ў нядзелю 18-га красавіка, як мы інфармавалі ў нашай ўчарашняй праграме, Пантыфік
сустрэўся ў порце Валетта з моладдзю. Было прысутных больш за 10-ць тысяч маладых
людзей. Выслухаўшы іхніх сведчанняў Папа ў сваёй прамове спаслаўся на досведы Святога
Паўла, які, як малады чалавек, паступова прыходзіў да асабістага пазнання Хрыста.
Павал- фарысей меў вялікую нянавісць да Касцёла і са злосцю адносіўся да хрысціянаў. “Чаму
пераследуеш мяне? Я Езус, якога ты пераследуеш,- Папа працытаваў Апостальскія Дзеянні,-
Сустрэча з Панам поўнасцю перамагае Паўла і глыбока пераменьвае ягонае жыццё. Стаецца
вучням, а потым вялікім апосталам і місіянаром. Тут на Мальце, мы ў асаблівы спосаб
удзячныя Яму за місіянерскую паслугу прапаведчання Евангелля ў басейне Міжземнага
мора. Кожная асабістая сустрэча з Езусам з”яўляецца глыбокім хвалюючым перажываннем
любові. Раней, Павал, як сам казаў, з руплівасцю перамагаў Божы Касцёл і намагаўся
яго знішчыць. Але нянавісць і злосць поўнасцю змяніла сіла Хрыстовай любові. Да
канца жыцця Павал прапаведваў гэтае пасланне любові аж па край зямлі.”,- сказаў Святы
Айцец моладзі. Папа запэўніў маладых людзей, што Бог не адчужае чалавечую слабасць
і калецтва. Яны не з”яўляюцца перашкодай для Яго “Бог любіць кожнага
з вас глыбокай, моцнай любоўю, якую цяжка сабе ўявіць. Ён ведае нас з добрага і дрэннага
боку. А таму, што нас вельмі любіць, хоча нас ачысціць з нашых правінаў і абдарыць
цнотамі так, каб мы цешыліся жыццём у багацці. Калі нешта ў нашым жыцці Яму не падабаецца,
не адкідае нас, але заклікае да перамены і большай дасканаласці. Гэта паўтарэнне
закліку да Паўла ў яго дарозе ў Дамаск. Бог не абвяргае нікога. Аднак у сваёй вялікай
любові Бог заахвочвае нас да перамены і каб мы станавіліся больш дасканалымі”.- сказаў
Папа. Святы Айцец заахвоціў маладых людзей быць адкрытымі на Божае пакліканне.
Езус можа выбраць некаторых з іх, каб прысвяціць сябе поўнасцю святарскай паслузе
або у пасвячаным жыцці. Жыццё адданае Хрысту дае глыбокую радасць, што паходзіць
ад пасвячэння сябе абвяшчанню людзям Божай любові”,- сказаў маладым мальтыйцам Бэнэдыкт
16.