(18.04.2010 RV)Sheshi i Hambarëve në Floriana, ku Papa kremtoi sot Meshën e
Shenjtë, është sheshi më i madh i Maltës për ceremoni të rëndësishme civile e fetare.
Mund të hyjnë në të deri në 10 mijë vetë, por numri i besimtarëve të pranishëm në
Meshën e sotme, arriti në 50 mijë. Në këtë shesh, romakët grumbullonin grurin, ndërsa
angloamerikanët, rezervat ushqimore të Luftës II Botërore. Papa Gjon Pali II
pati kremtuar këtu, më 9 maj 2001, gjatë shtegtimit në Greqi, Siri e Maltë, në gjurmët
e Shën Palit, Meshën për Lumnimin e atë Xhorxh Prekës, themelues i Shoqërisë së Doktrinës
së Krishterë, të atë Injac Flacon dhe të motër Maria Adeodata Pizani.