Marrëveshje ndërmjet Selisë së Shenjtë dhe Bosnjë-Hercegovinës
(12.04.2010 RV)Të enjten, më 8 prill, në Shtëpinë e Forcave të Armatosura në
Sarajevë, u nënshkrua Marrëveshja ndërmjet Selisë së Shenjtë dhe Bosnjë-Hercegovinës
rreth asistencës fetare për besimtarët katolikë, anëtarë të Forcave të Armatosura
të vendit. Për Vatikanin, firma u vu nga Nunci Apostolik në Sarajevë, imzot Alesandro
D’Erriko, ndërsa për Bosnjë-Hercegovinën nënshkroi Ministri i Mbrojtjes, Selmo Cikotiç. Marrëveshja
përbën një etapë të re të rëndësishme në marrëdhëniet ndërmjet Selisë së Shenjtë dhe
Bosnjë-Hercegovinës. Ai është zbatimi i parë i Marrëveshjes Bazë, që u nënshkrua po
në Sarajevë, më 19 prill 2006 dhe përcaktoi kuadrin juridik të pranisë e të aktivitetit
të Kishës Katolike në vend. Dokumenti i nënshkruar më 8 prill do të hyjë në fuqi pas
ratifikimit.