Պենետիկտոս ԺԶ Սրբազան Քահանայապետին գործունէութիւնը

Պենետիկտոս ԺԶ Սրբազան Քահանայապետը Ուրբաթ 9 Ապրիլ 2010-ի երեկոյեան, ''Գասթել Կանտոլֆօ'' քահանայապետական ամառանոցի Զուիցերական սրահին մէջ, ներկայ կը գտնուի երջանկայիշատակ Պիոս ԺԲ Քահանայապետի մասին շարժապատկերի սփռումին, որ ունի որպէս վերանագիր ''Հռոմի առաստաղին տակ''



Պենետիկտոս ԺԶ Քահանայապետին Մալթա կատարելիք առաքելական ճամբորդութեան յայտագրի ներկայացումը։

Վատիկանի մամլոյ գրասենեակը կը հաղորդէ թէ յառաջիկայ Ապրիլ 13ին լրագրողներուն կը ներկայացնէ Պենետիկտոս ԺԶ Քահանայապետի Մալթա կատարելիք առաքելական ճամբորդութեան յայտագիրը։ Յայտնենք թէ Նորին Սրբութիւնը Մալթա կ՝այցելէ Պօղոս առաքեալի նաւաբեկութեան 1950-րդ տարեդարձին առիթով։



Քաղաքացիական օդանաւորդութեան մատրանապետներու հանդիպումը Սրբազան քահանայապետին հետ։

Ապրիլ 14ին, 3 օրուայ ուսումնաժողովի աւարտին, Քաղաքացիական օդանաւորդութեան մատրանապետները հանդիպում պիտի ունենան Պենետիկտոս ԺԶ Սրբազան քահանայապետին հետ։ Այս հանդիպումը տեղի կ'ունենայ Լորեթթոյի Տիրամօր օդնաւային ճամբորդութեան պաշտպան սրբուհի հռչակումին 90րդ տարեդարձին առթիւ։



Վատիկանեան տեղեկութիւններ

Ս. Գիրքի յանձնախումբի տարեկան լիանիստ ժողովը Վատիկանի մէջ։

Ապրիլ 12-16 Վատիկանի մէջ տեղի կ'ունենայ Ս. Գիրքի յանձնախումբի տարեկան լիանիստ ժողովը ''Աստուածաչունչի ներշնչումն ու ճշմարտութիւնը'' նիւթին մասին։

Լիանիստ ժողովը կը գլխաւորէ կարտինալ Ուիլիամ Լեվատան` կառավարիչը հաւատոյ ժողովի։