Լուրեր հայկական կեանքէն

Հրանդ Մարգարեանի նոր թատերախաղը Նիւ Եորքի մէջ

Նիւ Եորքաբնակ հանրածանօթ թատերագիր Հրանդ Մարգարեանի անգլերէնով նոր թատերախաղը ՜՜ Լռութիւն՝ բոլորաձեւ ծիածանի մէջ՝՝ կը ներկայացուի 31 Ապրիլին ու 1 եւ 2 Մայիսին հովանաւորութեամբ Նիւ Եորք նահանգի թատերական իսթիթութին։

Ասիկա առաջին անգամն է որ Նիւ Եորք Նահանգի հռչակաւոր այս իսթիթութը կը ներկայացնէ հայ թատերագրի մը գործը։

Նիւթը ՜՜Մարդկային կորուստը եւ անոր տառապալից փնտրտուքը՝՝. իսկ պատմութիւնը ընտանիքի մօր մը մասին է որուն բժիշկ ամուսինը կը դատապարտուի դաւաճանութեամբ եւ կը սպաննուի 1915-ին։ Ան կը կորսնցնէ նաեւ իր չորս տարեկան զաւակը։ Ազատելով ջարդերէն իր կեանքի նպատակը կը դարձնէ գտնել իր զաւակը։ Եւ կը սկսի ոդիսականը։

Հրանդ Մարգարեան ծնած է Պասրա (Իրաք) 1938-ին, նախնական ուսումը ստացած է Մարկիլի հայ ազգային վարժարանին մէջ ապա յաճախած է պետական երկրորդական վարժաան։ Աւարտած է Պաղտատի գիտութեանց Քոլէճը եւ 1962-ին Իրաքի պետական կրթաթոշակով անցած է Ամերիկա ուր ստացած է Մագիստրոսի ապա Տոքթորայի վկայականները տարրաբանութեան մէջ եւ Մագիստրոսի վկայականը Management of Technology ճիւղին մէջ։ Եղած է գիտական հետազօտող ապա տարրաբանութեան փրօֆէսսոր Նիւ Եորք նահանգի պետական համալսարանին մէջ։



Երեւան-Երկաթուղային կայարանի վերականգնում

Հ Հ հարաւկովկասեան երկաթուղիի ընկերութիւնը սկսած է Երեւանի Երկաթուղային կայարանի վերականգնման աշխատանքները։ Ուղեւորահոսքերու յաւելումի պատճարով կը նախատեսուի սրհներու տարանջատում՝ միջքաղաքայիններու եւ միջազգայիններու ինչպէս նաեւ յաւելեան դրամարկղերու տեղադրում։ Երկաթուղային կայարանի շէնքին մէջ պիտի կառուցուին նաեւ հիւրանոցային յարմարութիւններ։