Мадрыд. ЕЎрапейская моладзь працягвае рыхтавацца да Сусветнага дня моладзі, які адбудзецца
ў наступным годзе ў Іспаніі.
У розных краінах Еўропы пасхальны перыяд ёсць добраю нагодаю для падрыхтовак Сусветнага
дня моладзі, які адбудзецца ў жніўні наступнага года ў сталіцы Іспаніі. Мінулымі тыднямі,
у рамках сусветнага моладзёвага форуму з удзелам Свяцейшага Айца, Іспанію наведалі
прадстаўнікі біскупскіх канфярэнцый Галандыі, Партугаліі і Італіі. Знаходзячыся
ў Мадрыдзе, дэлегаты сустрэліся з адказнымі за розныя напрамкі правядзення Сусветнага
Дня Моладзі, каб скаардынаваць падрыхтоўчыя мерапрыемствы разам з мясцовым аргкамітэтам.
Акрамя таго, дзяліліся з іспанцамі сваім вопытам. У 2000 годзе Сусветны Дзень Моладзі
прымаў горад Рым. Дык асабліва карысным стаўся распавяд італьянскай дэлегацыі. Мяркуецца,
што ў Мадрыд з Італіі на сустрэчу прыбудзе 120 тысяч юнакоў і дзяўчат, якія акажуць
практычную дапамогу сваім аднагодкам. Непасрэдныя прыгатаванні да паездкі ў Мадрыд
моладзь Галандыі пачне ў красавіку 2011 году ў нядзелю, калі Дзень Моладзі будзе адзначацца
на дыяцазальным узроўні. А ў сёлятнім лістападзе адбудзецца Нацыянальная Сустрэча
моладзі. Прыкладна 2,5 тысячы маладых католікаў з Нідэрландаў плануюць паехаць у
Іспанію. Згодна з праграмай, прадстаўленай у Мадрыдзе партугальскай дэлегацыяй,
гэтая краіна з'яўляецца адной з тых, дзе будзе праходзіць найбольш мерапрыемстваў,
прысвечаных Сусветнаму Дню Моладзі 2011. У маі, напярэдадні, краіну наведае Папа Бэнэдыкт
XVI, што станецца добрай нагодай для моладзі натхнёна рыхтавацца. У сёлятнім
жніўні партугальская моладзь прыме ўдзел у еўрапейскай маладзёвым паломніцтве ў Сант'яга-дэ-Кампастэла
ў Іспаніі, дзе прыме Крыж Сусветных Дзён Моладзі, які ад 8 да 20 жніўня зробіць пілігрымку
па партугальскіх дыяцезіях. Гэтай жа тэме сусветнага Дня будуць прысвечаны наступныя
штогадовыя еўрапейскія пілігрымкі юнакоў і дзяўчат да Фацімы, што адбываюцца ў першы
тыдзень мая.