Të krishterët e Bangladeshit i duan Pashkët festë kombëtare
(07.04.2010 RV)Një ditë pas Pashkëve, të krishterët e Bangladeshit ngritën
zërin që e Diela e Ngjalljes së Krishtit të njihet si festë kombëtare nga shteti.
Megjithëse nën kërcënimin e krahut fondamentalist islamik, besimtarët jo vetëm festuan
Pashkët, por e ndanë gëzimin e tyre edhe me myslimanët, hinduistët e me besimtarët
e feve të tjera. Ministri i Kulturës, katolik, deklaron se e ka paraqitur kërkesën
për Pashkët në Këshillin e Ministrave, por që ajo të merret parasysh është i nevojshëm
një impenjim i madh popullor, pasi islamikët janë kundër. Në vend diskutohet edhe
për zhvendosjen e pushimit javor të dielën, e jo të premten e të shtunën, siç është
tani, sipas kalendarit mysliman.