Gjendje emergjence në Tajlandë. Manifestuesit hyjnë në Parlament
(07.04.2010 RV)Qeveria tajlandeze shpalli sot gjendjen e emergjencës në Bangkok
e në pesë provinca të tjera, pasi qindra manifestues antiqeveritarë - apo këmishëkuqët,
përkrahës të ish-kryeministrit Shinauatra – hynë në oborrin e Parlamentit, duke thyer
kordonin mbrojtës të policisë. Deputetët u larguan dhe anëtarët e qeverisë i zhvendosën
me helikopter. Protestuesit kërkojnë dorëheqjen e kryeministrit aktual Vejazhiva dhe
zgjedhje të reja.