Çarmatimi: Rusia: edhe mund të dalim nga traktati START nëse SHBA na këcënojnë.
(06.04.2010 RV)Rusia edhe mund të dalë nga traktati START i çarmatimit bërthamor
që do të nënshkruhet të enjten në Pragë, nëse e ndjen veten të kërcënuar nga mbrojtja
antiraketë amerikane. Kështu u shpreh për mjetet e informacionit ministri i jashtëm
rus Sergej Lavrov. “I rezervojmë vetes të drejtën për të dalë në çdo moment nga traktati”
– shpjegoi përfaqësuesi i Rusisë i cili nga ana tjetër nënvizoi edhe nivelin e ri
të besimit të ndërsjellë që është vendosur ndërmjet Rusisë dhe SHBA. Ndërkaq, presidenti
Barak Obama deklaroi se përdorimi i armëve bërthamore amerikane për pesë deri në dhjetë
vjetët e ardhshme do të kufizohet.