З 16 па 18 сакавіка 2010 года ў Маніле (Рэспубліка Філіпіны) праходзіла Спецыяльная
Міністэрская сустрэча Руху недалучэння па міжрэлігійнаму дыялогу і супрацоўніцтву
дзеля міра.
У сустрэчы прымала ўдзел беларуская дэлегацыя на чале з начальнікам упраўлення міжнародных
арганізацый МЗС Уладзімірам Паўловічам.Спадар Паўловіч таксама абраны намеснікам
Старшыні сустрэчы. Падчас сустрэчы абмеркаваны актуальныя праблемы ўзаемадзеяння
паміж дзяржавамі і разнастайнымі рэлігійнымі інстытутамі, прыняты выніковы дакумент
– Манільская дэкларацыя, у які ўвайшлі ініцыятыўныя прапановы Рэспублікі Беларусь
па прызнанню разнастайнасці шляхоў развіцця краінаў." Беларусь як шматканфесійная
краіна надае высокае значэнне развіццю міжрэлігійнага дыялога як на нацыянальным,
так і на міжнародным узроўні. Нашай краіне належыць шэраг канструктыўных ідэй і ініцыятываў
па развіццю і паглыбленню міжканфесійнага і міждзяржаўнага супрацоўніцтва ў дадзенай
галіне,-" падкрэсліў МЗС БР. Даведка: Спецыяльная Міністэрская сустрэча Руху
недалучэння (РН) па міжрэлігійным дыялогу і супрацоўніцтву дзеля міра ўпершыню праходзіў
на тэрыторыі адной з краін РН. Раней падобныя сустрэчы праводзіліся толькі ў Нью-Йорку
ў фармаце інтэрактыўнай дыскусіі падчас агульнапалітычнай дыскусіі ГА ААН. Міністэрская
сустрэча – неафіцыйны форум па агляду выканання дэкларацыі па міжрэлігійнаму дыялогу
і супрацоўніцтву, якая была прынятая 15 краінамі–членамі ААН 13 верасня 2005 г. Першая
Міністэрская сустрэча адбылася 21 верасня 2006 г. Беларусь далучылася да “міністэрскага
працэсу” у 2007 годзе і з’яўляецца адной з найбольш актыўных дзяржаў. Абсалютная большасць
беларускіх ініцыятываў падтрымліваецца ўсімі дзяржавамі–ўдзельнікамі РН.