Бэнэдыкт 16 ў Пальмовую Нядзелю: аб хрысціянстве як аб узыходжанні да Неба
“Быць хрысціянінам азначае паломнічаць разам з Езусам да нябеснага Ерусаліму і даць
Яму весціся крутою дарогаю ў неба”,- гаварыў аб гэтым Папа да моладзі, сабранай на
Плошчы Святога Пятра ў Пальмовую ( Вербную) Нядзелю, якая адзначалася таксама як ХХV
Сусветны Дзень Моладзі. Пасля пасвячэння пальмаў і аліўных галінак перад Абэліскам,
які знаходзіцца ў цэнтры Плошчы Святога Пятра, Папа ў працэсіі прыбыў да алтара, які
быў пастаўлены перад уваходам да Ватыканскай Базылікі. Святы Айцец у казанні спаслаўся
на дарогу, якую Езус павінен быў прайсці, ідучы з Ерыхону ў Ерусалім, месца завяршэння
сваёй місіі. Гэта сімвалмчны шлях, на які Збавіцель запрашае таксама сваіх вучняў. “Гэты
шлях да Бога і абьяднання з Ім гэта не толькі напружанне сілаў, каб прытрымлівацца
Езуса, але,- як падкрэсьліў Папа,- таксама вопыт падтрымкі, а часам проста сам Езус
нас вядзе. Абавязковай ўмовай пілігрымкі мусіць быць супольнасць, ад якой мы атрымліваем
дапамогу. Аднак часткай гэтай дарогі ёсць таксама Крыж. Усё каштоўнае ў гэтым свеце
патрабуе намаганняў і адрачэння”,- сказаў Святы Айцец. “Наследаванне Хрыста патрабуе
ў першую чаргу абуджэння з настальгіі за сапраўдным чалавецтвам, і, такім чынам,
абуджэння да Бога”,- заўважыў Папа. “Патрабуе, затым, увайсці ў еднасць Касцёла.
У гэтым “мы” Касцёла мы ўваходзім у еднасць з “Ты” Езуса Хрыста, і такім чынам дасягаем
шляху да Бога. Яшчэ адным патрабаваннем з”яўляецца слуханне Слова Езуса Хрыста і
жыць Ім: у веры, надзеі і любові. Такім чынам мы знаходзімся на шляху у Ерусалім,
і адначасна ў якісці спосаб ужо знаходзімя ў зносінах з усімі Святымі”,- сказаў Папа. Бэнэдыкт
16 таксама запрапанаваў моладзі свайго роду “прымяненне пачуццяў” ў гэтым духоўным
узыходжанні і наведанне бацькаўгчыны Езуса. Сустрэча з паасобнымі святымі месцамі
пераконвае нас у тым, што вера гэта не казка, і што гэтая гісторыя адбылася сапраўды,-
сказаў у казанні Бэнэдыкт 16, спасылаючыся да свайго леташняга візіту на Святую Зямлю.
Дадаў, што пілігрымаваць туды абазначае таксама быць пасланнікам міру, і заклікаў
маладых людзей да добрых учынкаў, якія былі б плёнам сустрэчы з Хрыстом.