У прыватным доме ў Асьвенцыме знойдзена дакументы канцлягера Аўшвіц

На гарышчы захавалася каля 200 разнародных дакумэнтаў: талёны на прадукты лекараў СС, пасьведчаньні аб сьмерці й незапоўненыя блянкі адміністрацыі канцэнтрацыйнага лягеру.
Іх уладальнік пакуль жадае застацца ананімным. Гісторыкі яшчэ ня бачылі дакумэнтаў, але лічаць, што яны ўносяць важную падрабязную інфармацыю ў гісторыю канцлягера, аднак ня зьменяць погляду на Аўшвіц.
Сярод дакумэтаў знойдзена, між іншым, паперчыну адносна доктара Ёзэфа Мэнгеле, ваеннага злачынцы, гэтак званага „Анёла сьмерці”.