(22.03.2010 RV)Besimtarët myslimanë bektashij kremtuan sot Festën e Novruzit,
ditëlindjen e Imam Aliut. Kjo festë shënon edhe fillimin e vitit të ri, sipas kalendarit
bektashi, dhe konceptohet si rilindje, si shpresë e re për krejt njerëzimin. Haxhi
Dedë Reshat Bardhi kremtoi ceremoninë e rastit në Selinë e Kryegjyshatës Botërore
të Bektashijve, në të cilën bënë më pas një vizitë edhe presidenti i Republikës së
Shqipërisë dhe autoritete të tjera politike e fetare.