Stop kontakteve OKB-talebanë në Afganistan, pas arrestimeve në Pakistan
(19.03.2010 RV)Këshilli i Sigurimit i OKB-së u mblodh dje në Nju Jork për të
shqyrtuar raportin e Sekretarit të Përgjithshëm, Ban Ki-Mun mbi Afganistanin. Ai rekomandoi
që misioni ndërkombëtar në vend të shtyhet edhe për 12 muaj të tjerë. Ndërkaq,
në terren shtohen operacionet ushtarake për të larguar talebanët nga provinca e Kandaharit,
kështjellë e tyre historike. Në një intervistë për BBC-në, ish-i dërguar i veçantë
i OKB-së në Afganistan, Kai Aide konfirmoi ekzistencën e një kanali dialogu ndërkombëtar
me talebanët, por theksoi se arrestimet e fundit të krerëve talebanë në Pakistan kanë
sjellë ndërprerjen e lidhjeve.