Sot Papa kremtoi ditën e emrit: urimet e presidentit italian Napolitano -e tonat!
(19.03.2010 RV)Sot për Benediktin XVI ishte një ditë jo e zakonshme: Dita e
festës së Shën Jozefit, emrin e të cilit ia vunë prindërit në Pagëzim. Pikërisht
sot Papa Jozef Racinger vendosi të nënshkruajë Letrën drejtuar Kishës së Irlandës
për shkandullin e shpërdorimeve mbi të miturit. Teksti do të botohet nesër e do të
lexohet në të gjitha famullitë irlandeze në meshët e së dielës.
Natyrisht
sot Papa mori shumë letra e telegrame urimi për ditën e emrit. Ndërmjet tyre, kujtojmë
mesazhin e Presidentit të Republikës së Italisë, Xhorxho Napolitano, i cili i bën
urimet më të përzemërta. Me rastin e festës së Shën Jozefit – lexojmë në tekst -
festë tepër e kremtuar nga italianët, ju shpreh vlerësimin tim për impenjimin tuaj
e për shërbimin që i bëni, me magjisterin tuaj, mbrojtjes së paqes e të dinjitetit
të njeriut. Ju lutem të pranoni, në emrin tim personal e të mbarë popullit italian
– përfundon Napolitano – urimin më të sinqertë për shëndet e të mira. Bashkojmë
zërin tonë me urimet, që vijojnë t’i vijnë Papës nga mbarë bota, duke i drejtuar
urimin tipik shqiptar: “E gëzofsh emrin. Për shumë vjet!” T’i lutemi Zotit
për Papën tonë, Oremus pro pontifice nostrom.Pasdite Ati i Shenjtë kaloi një çast
duke dëgjuar muzikë klasike, që i pëlqen aq shumë.