"Бласлаўлёны той, хто прыходзіць ў імя Пана"- працяг
Паважаныя cлухачы мы працягваем чытаньне кнігі cьвятара Варшаўcкай Тэалагічнай Акадэміі
і cьвятара Яна Лаха, пад назвай “Блаcлаўлёны, хто прыходзіць у імя Панcкае”. Аўтар
гэтай кнігі‚ праcочвае развіцьцё меcыянкай ідэі ад чаcоў Цара Давіда да першахрыcьціянкай
эпохі, разглядae некаторыя значныя тэкcты Старога і Новага Запаветаў, прадказваючыя
меcіянcтва Езуcа Хрыcта‚ такія, напрыклад, як прароцтва прарока Натана ў 2 кнізе Самуэля.
Cёньня мы працягваем чытаць cтаронкі другой главы гэтай кнігі пад назвай “Адрынуты
наcтаўнік””, дзе аўтар дзе аўтар разважае над сэнсам цудаў, зьдзейсьненых Езусам
і апісаных эвангелістам Маркам.
Тое як у Бібліі гаворыцца аб Шатане, зазначае
на клопат аб захаваньні веры ў звышнатуральнасьць Бога, пры гэтым пазьбягаюцца такія
вызначэньня зла, якія маглі б мець на ўвазе існаваньне двух сьветаў дабра і зла.
Дуалізм заўсёды прывабліваў ізраільцянаў. Таму няма нічога дзіўнага ў тым, што Шатан
адыгрывае ролю не ворага Божага, у шчыльным значэньні гэтага слова, а хутчэй злога
анёла. Пры двары Ягвэ ён выступае ў ролі грамадзкага абвінаваўцы і нават абаронцы
правасудзьдзя на зямлі. Аднак яго служэньне фальшывае, бо ён не верыць у бескарыслівую
любоў, а спакушае чалавека, спадзяецца на ягонае падзеньне. Трэба заўважыць, што,
асабліва ў Кнізе Іова, Шатан выяўляецца як даверанная асоба Бога, што Бог спрыяе яму.
Такім чынам, у гэтым выпадку, Шатан не зьяўляецца ўвасабленьнем зла, а спасьцігаючыя
Іова няшчасьці здараюцца з ім па дазваленьню Божаму. Дзеяньне Шатана зводзіцца да
выпрабаваньня Іова, каб праявілася яго дасканаласьць, а не для таго, каб ён паў і
патануў у граху. Аднак Шатан не заўсёды адыгрывае такую ролю. У Кнізе Быцьця ён
выяўлены як стварэньне, па здольнасьцям перавышаючае чалавека і адначасова хітрае
і зайздроснае чалавечаму шчасьцю. Яго галоўная зброя - гэта хлусьня і хітрасьць, падман
і ўнясеньне разладу. Больш дакладнае акрэсьліваньне постаці Шатана набываецца
ў юдаістычнай літаратуры. Там ён выяўлены як крыніца ўсялякага зла, як істота, якая
наклікае на сьвет і, у асаблівасьці, на чалавека, усялякія бяды і няшчасьці. У апакрыфічным
Запавеце Адама і Эвы прычынай чалавечага падзеньня аказвае не смок, а гаворачы праз
смока Шатан. Паколькі Шатан імкнецца разбурыць планы Божыя, непазьбежна сутыкненьне
яго моцы з моцай Божай, увасобленай у Арханёле Мікаэле. Шатан выракаецца з абавязку
пакланеньня перад Богам і павінен пажынаць плады свайго гонару. У этыопскай Кнізе
Энока аб Шатане гаворыцца ў множным ліку. Калі прыйдзе месыянская эпоха, шатанскія
моцы будуць зьнішчаны. Аднак няма дакладных сьведчаньняў аб тым, як уяўлялася гэта
зьнішчэньне Шатана і яго ўлады. Перакананьне ў самастойным дзеяньні Шатана больш
поўна адлюстравана ў вучэньні эссэяў з Кумрана. Космас і род чалавечы разьдзелены
на два супрацьлеглых лагера: моцы сьвятла і моцы цемры, якія будуць існаваць ажно
да часоў канчатковай перамогі сьвятла над цемраю. Нягледзячы што гэта відавочны дуалізм,
ён ніяк не шкодзіць вобразу сьвятла, цалкам адпаведаючага веры эссэяў у адзінага Бога,
Пана ўсяго стварэньня. Бо Бог перавышае ўсё і ўсім кіруе, ён -усёведаньне, ад якога
ўсё ўзяло пачатак, што пачало быць. Ён кіруе ўсім у адпаведнасьці са сваим планам.
Без яго нішто не пачало б быць. У Кумранскіх тэкстах правадыр зла носіць імя
Веліал. Гэта ён стварыў сваё валадарства, якое тым ня меньш падзе пад ударамі моцаў
сьвятла. У Кумранскіх тэкстах мы таксама вынаходзім іншыя апісаньні злога духа. Жыцьцё
і дзеяньні Езуса зьмешчаны ў кантэксьце гэтага сталага змаганьня двух сьветаў – дабра
і зла. Гаворка ідзе аб збаўленьні чалавека, а значыць, аб яго вызваленьні з-пад уплыву
злога духа і ўсіх сьледстваў гэтай залежнасьці. Менавіта Езус – той, хто супрацьставіцца
Шатану і перамагае яго.
Шаноўныя cлухачы, вы cлухаеце cтаронкі з кнігі
польcкага бібліcты і тэолага Яна Лаха‚ пад назвай “Блаcлаўлёны, хто прыходзіць у
імя Панcкае”. У нашай наcтупнай перадачы праз тыдзень мы працягнем чытаньне наcтупных
разьдзелаў з гэтай кнігі.