Të premten e ardhshme Papa do të nënshkruajë letrën mbi shpërdorimet në Irlandë.
(17.03.2010 RV)Gjatë audiencës së sotme të përgjithshme, pas përmbledhjes së
katekizmit në gjuhën angleze, Papa u drejtoi një përshëndetje të posaçme shtegtarëve
irlandezë, me rastin e festës së Shën Patrikut, Pajtor i Ishullit të gjelbër, duke
u dhënë edhe një njoftim të veçantë:
“As you know, in recent months the
Church in Ireland… Siç e dini - shpjegoi Ati i Shenjtë – muajt
e fundit Kisha në Irlandë u vu në provë të rëndë nga kriza e shkaktuar prej shpërdorimeve
mbi të miturit. Si shenjë e shqetësimit tim të thellë shkrova një Letër baritore për
ta përballuar këtë situatë të dhimbshme. Do ta nënshkruajë në Solemnitetin e Shën
Jozefit, Rojtar i Familjes së Shenjtë e Pajtor i Kishës së gjithmbarëshme. Më pas
do t’jua nis menjëherë. Shpresoj se do t’ju ndihmojë në procesin e pendimit, të shërimit
e të risimit”.