Ватыкан- Старшыня Папскай рады па міжрэлігійнаму дыялогу кардынал Жан-Луі Торан адказаў
на пытанне “Ці патрэбна нам баяцца Ісламу?”: менавіта так гучала тэма яго выступлення
ў Іспанскам горадзе Гранада. Французкі іерарх, ужо шмат гадоў працуючый ў Ватыкане,
у сваёй уступнай прамове на тэалагічнай нарадзе “Хрысціянства, Іслам і сучаснасць”,
якая адбылася пры Тэалагічным факульцеце універсітэту Гранады.
Кардынал распачаў
сваё выступленне канстатацыяй таго факту, паводле якога, “заходняму чалавеку вельмі
складана зразумець Іслам”. “Разам з тым Іслам з’яўляецца рэлігіяй, грамадствам
і дзяржавай, і аб’ядноўвае пры гэтым каля 1 міліярда 200 міліёнаў чалавек ў вялізарную
сусветную адзінку, так званую “умму”, - растлумачыў ён.
Члены гэтай супольнасці
практыкуюць адны і тыя ж абрады, маюць адзін і той жа светапогляд, практыкуюць, адны
і тыя ж паводзіны”. “Яны не адрозніваюць прыватнай сферы ад грамадскай, і гэта рэлігійнае
“бачанне” непакоіць секулярызаваные грамадствы”. “Як бы тое ні было, мы сутыкаемся
з новай з’явай: у заходнім свеце мусульманам і немусульманам прыходзіцца жыць разам.
У Эўропе мы ўсе жывём побач з мусульманамі трэцяга пакалення”. “Мы сустракаемся
з мусульманамі ў паўсюдным жыцці”, - заўважыў кардынал,- але гэта не “застрахоўвае
нас ад таго, што і хрысціяне, і мусульмане часта з’яўляюцца ахвярамі забабонаў, заснаваных
на неадукаванасці”. “Здараецца, што хрысціянін ніколі не размаўляе з мусульманінам
і наадварот”.
Старшыня Папскай Рады па міжрэлігійнаму дыялогу сцьвярджае, што
“толькі дыялог дапамагае пераадоліць страх, дазваляючы кожнаму адкрыць іншага і сустрэцца
з ім”
Кардынал падкрэсліў неабходнасць “намаганняў з абедзьвух бакоў, каб здабыць
добрыя веды аб рэлігійных традыцыях адзін аднаго, даведацца, што нас раздзяляе і што
аб’ядноўвае, і супрацоўнічаць на супольную карысць”. Гэта – “складаная задача”, “патрабуючая
ўнутранай свабоды, духоўнай прыхільнасці, безагаворачнай павагі да іншых. Умець маўчаць,
каб пачуць іншых, дазволіць ім свабодна выказацца, не затойваць і не прымяншаць уласную
духоўную тоеснасць.