Паглыбленне сувязяў і супрацоўніцтва паміж Касцёлам Злучаных Штатаў Амерыкі і Украіны
трымае на мэце цяперашні візіт ва Львоў і Кіеў дэлегацыі амерыканскага духавенства,
якую ўзначальвае кардынал Тэадор МакКаррык, Арцыбіскуп-эмерыт Вашынгтонскі. Падчас
двухдзённага знаходжання ў Львове дэлегацыя з ЗША наведала Ўкраінскі каталіцкі Універсітэт
і духоўныя семінарыі Украінскай Грэка- і Рымска -каталіцкай Царквы ва Ўкраіне. У Нядзелю
7 сакавіка кардынал МакКаррык узначаліў вялікопосную працэсію Крыжовага Шляху,
якая прайшла па вуліцах горада. У гэты ж дзень у Рыма-каталіцкай катэдральнай базіліцы
Ўнебаўзяцця Найсвяцейшай Панны Марыі ён узначаліў Боскую Літургію разам з Львоўскім
арцыбіскупам Мечыславам Макшыцкім і вымавіў гамелію. Y інтэрв'ю для Радыё Ватыкана
кардынал Тэадор МакКаррык сказаў: «На працягу многіх гадоў Касцёл Злучаных Штатаў
Амерыкі імкнецца асаблівым чынам дапамагаць Царкве Украіны. Нашы ўзаемаадносіны, асабліва
з каталікамі Львова, заўсёды былі выключнымі. Мы вельмі цэнім гэтую нашу дружбу.
Ужо больш за 20 гадоў мы дапамагаем Цэрквам па ўсёй Усходняй Еўропе, і я лічу, што
мы абавязкова павінны працягваць гэтую дапамогу ўсімі магчымымі спосабамі. Царква
ў Украіне мае велічныя гісторыю, і я гэта адчуў, калі адпраўляў Імшу тут, у саборы,
дзе напрацягу многіх стагоддзяў трывае вера, любоў і адданасць Госпаду Богу і Маці
Божай. І я адчуў гэтую сілу, калі адпраўляў імшу. Для нас у ЗША вельмі важна заставацца
блізкімі з Касцёлам тут. І гэтая дружба з'яўляецца вялікім блаславеннем » Айцец
Джэймс Маккенна, Выканаўчы Дырэктар Прадстаўніцтва Дапамогі Каталіцкай Царкве ў Цэнтральнай
і Усходняй Еўропе ў інтэрв'ю для Радыё Ватыкана дадаў: «Як ужо сказаў кардынал МакКаррык,
мы вельмі шчаслівыя знаходзіцца ва Ўкраіне, выяўляючы тым самым салідарнасць каталікоў
ЗША з каталікамі ў Украіне. Ажыццяўляючы шмат праектаў, мы наведваем семінарыі, цэрквы
і прыходы. Мы адчулі вялікую гісторыю Касцёла ва Ўкраіне, глыбіню веры, яе карані
і мы шчаслівыя знаходзіцца тут, набіраючыся духоўнага вопыту, каб распавесці ўсім
аб тым, як многа нас аб'ядноўвае ў адной веры » Для Радыё Ватыкана перадаў Канстанцін
Чавага