“Familja, shpresë për Evropën”, në qendër të fjalimit të kardinalit Enio Antoneli,
në Asamblenë e Gnieznos
(14.03.2010 RV)“Vizioni dhe detyrat e familjes në vendet e ndryshme të Evropës,
marrëdhëniet brenda bërthamës familjare dhe politika, në mbrojtje të familjes, parashikuar
nga ligjshmëritë e ndryshme”. Këto tema ishin në qendër të vëmendjes së Asamblesë
VIII të Gnjeznos, punimet e së cilën përfunduan sot, në Poloni. Pjesëmarrësit e takimit
e, në mënyrë të posaçme, gjithë familjet e Polonisë, morën një përshëndetje tejet
të përzemërt në gjuhën polake, nga Benedikti XVI. Papa uroi sot paradite, gjatë
lutjes së Engjëlli të Tënzot, që ky takim të japë ndihmesën e vet në përtëritjen e
familjes, si bashkësi e krijuar nga vetë Zoti dhe e themeluar mbi ligjin e Tij. Çasti
më prekës i takimit ishte “Marshimi ekumenik i jetës”, që u përshkrua mbrëmë nëpër
rrugët e qytetit polak. Sot paradite në asamble foli edhe Kardinali Enio Antoneli,
kryetar i Këshillit Papnor për Familjen.Hirësia e Tij kujtoi se tridhjetë vjet më
parë, në nxitjen apostolike ‘Familiaris Consortio’, Gjon Pali II u bënte thirrje
familjeve të mobilizohen për të ndërtuar një shoqëri, që u kushton vëmendje më të
madhe të drejtave të tyre dhe të marrin mbi vete përgjegjësinë për shndërrimin e shoqërisë.
Këto fjalë – tha Kardinali Enio Antoneli – jehojnë me forcë edhe në shoqërinë e sotme,
që ka ndryshuar thellësisht: “Thirrja nuk ka rënë në veshë të shurdhër; po
merr përgjigje gjithnjë më të guximshme në veprimtarinë e shoqatave familjare, farë
tjetër shprese për ardhmërinë”.