Լուրեր հայ աշխարհէն

Լուրեր հայ աշխարհէն

՜՜Դու կին ես, եւ դրանով դու իրաւացի ես ՝՝ թեմայով ցուցահանդէս Երեւանի մէջ։

Մարտ 5-ին, Երեւանի Գիտութեան եւ մշակոյթի ռուսական կեդրոնին մէջ, կայացած է, Կանանց միջազգային օրուան նուիրուած ՜՜ Դու կին ես, եւ դրանով դու իրաւացի ես՝՝ ցուցահանդէսի բացումը։

Ցուցահանդէսին ներկայացուած են հայ նկարիչ Վիլիկ Զաքարեանի մօտ 30 գծագրական եւ գեղանկարչական աշխատանքներ, այս առթիւ ներկայացուած աշխատանքներուն մեծ մաս կը գրաւէ ՜՜ կինը՝՝։ Կնոջ լուսաւոր կերպարը կը գերակայէ նկարիչի գեղանկարչութեան մէջ՝ զայն յագեցնելով նրբութեան ու լուսաւորութեան առանձնայատուկ եւ անկրկնելի զգացումով։



Հայաստանի պետական ֆիլհարմոնիկ նուագախումբի հերթական համերգը

Մարտ 12-ին Երեւանի Արամ Խաչատրեան համերգասրահին մէջ, տեղի պիտի ունենայ Հայաստանի պետական ֆիլհարմոնիկ նուագախումբի հերթական համերգը ։ Սոյն համերգը կ'ընթանայ Հարաւային Գորէայէն՝ Եունգմին Փարքի խմբավարութեամբ՝ եւ դաշնակահար Հյո-Ջու Լիի մենակատարումով։ Համերգի ընթացքին պիտի հնչեն Պեթհովենի Շոփենի եւ Չայկովսկիի ստեղծագործութիւններէն կտորներ։

Նշենք թէ՝ համերգը կազմակերպուած է Հայ բարեգործական ընդհանուր միութեան հովանաւորութեամբ, եւ ՀՀ մշակոյթի նախարարութեան աջակցութեամբը, իսկ համերգաշրջանի գլխաւոր հովանաւորն է Viva Cell ընկերութիւնը։



Եուրի Բաշմետ Երեւանի մէջ կը մասնակցի Սոֆիա Գուբայդուլինայի համերգաշարի բացման։

Խորհրդային տարիներէն յետոյ առաջին անգամ ըլլալով աշխարհահռչակ (ջութահար) ալթահար՝ Եուրի Բաշմետ, որպէս մենակատար, Մարտ 6-ին՝ այցելած է Երեւան, մասնակցելու՝ Արամ Խաչատրեան համերգասրահին մէջ տեղի ունենալիք անուանի յօրինող Սոֆիա Գուբայդուլինայի Հայաստանի մէջ համերգաշարի բացման։ Սոֆիա Գուբայդուլինայի հանրայայտ ալթի համերգը նուիրուած է Եուրի Բաշմետին եւ գրուած յատուկ անոր համար։ Համերգները Հայաստանի մէջ պիտի շարունակուին այսպէս Մարտ 9-ին Կամերային երաժշտութեան տան իսկ Մարտ 10-ին՝ Արամ Խաչատրեան համերգասրահին մէջ։