Takimi i Konferencave të Kishave të Evropës në Stamboll
(09.3.2010 RV)Nga data 7 e deri më 11 mars në Stamboll të Turqisë zhvillohet
takimi i përvitshëm i Komitetit të përbashkët ndërmjet Këshillit të Konferencave Ipeshkvnore
të Evropës (CCEE) dhe Konferencës së Kishave evropiane (KEK), një takim ky që sivjet
i kushtohet temës së emigracionit. Në këtë takim marrin pjesë, mes tjerësh,
për Konferencën e Kishave evropiane, mitropoliti i Francës Emmaluel, president, dhe
Michael i Austrisë, ipeshkvi David Hamid, Kisha e Anglisë e pastori Vlaire Sict-Gatueille,
Chiesa e reformuar e Francës. Për Këshillin e Konferencave ipeshkvnore të Evropës
marrin pjesë kardinali i Budapeshtit Pčter Erdň, kardinali Jean-Pierre Ricard nga
Franca e kardinali i Zagrebit Josip Bozanic, imzot Stanislav Hocevar, kryeipeshkëv
i Beogradit e imzot Vincenzo Paglia, ipeshkëv i Ternit. Sot delegatët u pritën
nga Patriku Ekumenik i Kostandinopojës Bartolomeu I. Në tryezën e bisedimeve janë
problematikat e emigracionit, përvojat dhe projektet në fushën e emigracionit. Një
tjetër argument që do të trajtohet nga delegatët e dy organizmave të përmendur, është
edhe Asambleja e 13 e Konferencës së Kishave evropiane që do të mbahet në muajin korrik
të viti në Lion, si dhe tema të aktualitetit që janë në diskutim e sipër pranë institucioneve
evropiane.