Ці можна чакаць дапамогі Захаду ў ратаванні ад пераследу хрысціянаў.
Бо ж Захад нават ўнутры самога сабе парадаксальна імкнецца ліквідаваць прысутнасць
хрысціянства? Такім пытаннем задаецца наш кіраўнік, генеральны дырэктар Тэле-Радыё
Ватыкану айцец Ламбардзі. І напачатку цытуе:- «Бясконцы Хросны шлях»: так біскуп г.Мосула
Эміль Шымун Нона апісвае пакуты хрысціянскай меньшасці ў Іраку. У гэтай краіне, роўна
як у Індыі і многіх іншых рэгіёнах свету, Касцёл перажывае сёння мучаніцтва, характэрнае
для хрысціянскіх пакаленняў ранняй Царквы. У гэтыя дні зноў успыхвае гвалт супраць
хрысціян, - звяртае ўвагу дырэктар Ватыканскага прэс-цэнтра сьвятар Федэрыка Ламбардзі.
- Не так даўно я трымаў у руках ўлёткі з агіднымі пагрозамі. Іх сістэматычна распаўсюджваюць
у Мосуле па дамах хрысціянаў, заклікаючы іх пакінуць горад. Нядаўнія забойствы пацвярджаюць
гэтую абдуманую стратэгію, супраць якой мясцовыя ўлады, здаецца, няздольныя прыняць
дзейсныя меры. Як выжыць хрысціянскім грамадам ў такіх умовах? Агульнавядома, што
мясцовыя хрысціянскія абшчыны, натуральна ўпісваючцся ў культуру і гісторыю, з'яўляюцца
жыццёвым кампанентам грамадства, у якім жывуць. Мы маем справу не з нянавісцю да Захаду
ці iншаземцу, а менавіта з нянавісцю да хрысціянскай супольнасці. Сёння Ірак ўяўляе
сабой самы яркі прыклад такой нянавісці, - працягвае айцец Ламбардзі. - Але ў некаторых
рэгіёнах Індыі, як і ў Пакістане і іншых краінах Азіі і Афрыкі, таксама працягваецца
антыхрысціянскі гвалт. Рэлігійны фундаменталізм спараджае нянавісць і жорсткасць,
і рэлігійныя меньшасці (а хрысціянства з'яўляецца меньшасцю ў многіх частках свету)
стаюцца першымі яго ахвярамі. Нярэдка гучаць ад іх просьбы аб дапамозе да міжнароднай
супольнасці,- кажа далей айцец Ламбардзі.- Аднак сёння і ў заходнім свеце многія
імкнуцца аспрэчыць або ліквідаваць хрысьціянскую прысутнасць і ўплыў нават там, дзе
хрысціянства ўяўляе сабой светапогляд большасці. Узнікае пытанне: ці рэалістычна
чакаць пераканаўчай абароны хрысціян ад тых, для каго яны не маюць вялікага палітычнага
ці эканамічнага значэння? Хрысціяне ,- кажа ў заключэнне падрэ Федэрыко Ламбардзі,
- памятаючы пра лёс свайго Настаўніка Езуса, не павінны здзіўляцца таму, што іх пераследуюць,
і мусяць працягваць ісці і весці да Святла, хаця безумоўна, што справядлівасць
і гарантаваныя правы чалавека павінны быць замацаваны таксама і за імі."