Ватыкан. Першае Постнае прапаведванне айца Канталамессы: Хрысьціянства ёсць любоўю, а не прымусам. Адмова ад яго,модная на Захадзе, з'яўляецца адмоваю ад Ласкі.

У капліцы Redemptoris Маter (Маці Адкупіцеля) Апостальскага палаца ў Ватыкане у прысутнасці Папы і Рымскай Курыі у пятніцу Прапаведнік Папскага Дома айцец Раньеры Канталамесса разважаў пра адрозненні паміж літарай і духам ды ролі святара як вядучага да таямніцы Бога . Ён падкрэсліў, што Новы Запавет - гэта тая Ласка, што праліваецца са смерці і Ўваскрасення Хрыстуса:
..."Кожная чалавечая рэлігія або рэлігійная філасофія пачынаецца з аб'яўлення чалавеку, што ён павінен зрабіць, каб мець выратаванне ... Хрысціянства не гаварыць, што рабіць, але абвяшчае, што Бог зрабіў для чалавека. Езус не стаў прапаведаваць, кажучы: "пакайцеся і веруйце ў Евангелле, каб Божае Валадарства зышло на вас», а пачаў словамі:" Валадарства Божае прыйшло спасярод вас – без умовы, каб вы Яго заслужылі, а дарам! – Дык навярніцеся і веруйце ў Евангелле ". Не наверненне па-першае, а потым выратаванне, але перш выратаванне як дар, а затым пераўтварэнне, наверненне: абавязак "... «Сьвятар – працягваў айцец Канталамесса - такім чынам мае задачу дапамагчы братам жыць навізною Ласкі, каб адчуць, што хрысціянства не з'яўляецца дактрынай, але Чалавекам, ўто прыйшоў, каб прапаведаваць не Самога сабе, але бясконцаую Хрыстову прыгажосць , цуды Духу, якія не прымушаюць, але захапляюць. Аднак цяжкасць, асабліва для сучаснага чалавека – падкрэсліваў далей прапаведнік, - гэта як раз зразумець, што яго выратаванне не залежыць выключна ад яго самога:
" Выратоўвацца для і дзеля Ласкі – значыць прызнаць залежнасць ад кагосці. І гэта самае цяжкае. Гэта, тлумачыць святы Бернард,паходзіць з граху Сатаны. Той выбраў быць самай няшчаснай істотай дзеля ўласнага выбару, чымсці самай шчаснай, дзякуючы Ласцы Іншага, аддаў перавагу быць "няшчасным, але незалежным... і не быць супрацоўнікам шчасця... Адмова ад хрысціянства, што бачым на пэўных узроўнях нашай Заходняй культуры, ёсць адмоваю не так ад Касцёла, як гэта ёсць адмоваю ад Божае Ласкі ".