Кардынал Бэртонэ заахвочвае моладзь да больш актыўнага ўдзелу ў палітычным жыцці
Ватыкан - Палітыка з'яўляецца заклікам да клопату аб агульным дабрабыце і будучыні
грамадства. Каталікі, дабіваючыся этычных дзеянняў у палітыцы, зусім не выступаюць
супраць дзяржавы. На гэта ўказаў дзяржсакратар Ватыкана падчас сустрэчы ў Рыміні з
італьянскімі палітыкамі. Кардынал Тарчызіа Бертоне падкрэсліў таксама важнасць ўдзелу
маладога пакалення ў палітычным жыцці.
"Палітыка з'яўляецца дабром, скіраваным
у будучыню. Менавіта таму моладзь не можа заставацца толькі пасіўным гледачом, але
абавязана ўзяць у свае рукі лёсы свету і засяродзіцца на большым, не абмяжоўваючыся
толькі сённяшнім днём", - сказаў кардынал Бертоне. Ён адзначыў, што гэтыя дзеянні
павінны абапірацца на Евангелле і сацыяльную навуку Каталіцкага Касцёла. "Касьцёл
не прадстаўляе сабой адзіны і універсальны адказ на выклікі свету, але прапаноўвае
крытэрыі, якія дапамагаюць распазнаць і ўжыць канкрэтныя дзеянні ў розных галінах
жыцця". Ватыканскі дзяржсакратар заўважыў, што маладое пакаленне заклікана прымяняць
каталіцкую сацыяльную навуку ў канкрэтных рашэннях. Паказальнікам на гэтым шляху ёсць
павага да вартасці кожнага чалавека і ўстанаўленне чалавечай асобы ў цэнтры ўсіх палітычных
дзеянняў ", - падкрэсліў кардынал Бертоне.