Presidenti palestinez në Paris për të ardhmen e shtetit të tij
(22.02.2010 RV)Sot, në Paris, u takuan presidenti palestinez Abu Mazen, ai
francez, Nikolas Sarkozì dhe ministri i jashtëm, Bernard Kushner. Një nismë politike
franko-spanjolle, e kritikuar nga Izraeli, ka si qëllim njohjen e një shteti palestinez
nga ana e Bashkimit Evropian, brenda 18 muajsh. Ndërkaq, vrasja e kreut të Hamasit
në Dubai, muajin e kaluar, hedh dyshime mbi shërbimet sekrete e qeverinë e Izraelit,
akuzuar hapur nga policia e vendit. Sot, Bashkimi Evropian shprehu njëzëri dënimin
për përdorimin e kartave të kreditit dhe të pasaportave fallco evropiane nga ana e
vrasësve të Mahmud Al-Mabhuh. Gjatë konferencës së përbashkët për shtyp me Abu Mazen,
edhe presidenti francez Sarkozì dënoi ashpër këtë praktikë.