Паўнавартаснае ўваходжанне ў свет лічбавых тэхналогій і забеспячэнне Інтэрнэт-супольнасці
пастырскай апекай - гэта першачарговая задача Касцёла. Пра гэта заявіў старшыня Папскай
Рады па масавых камунікацыях кардынал Клаўдыё Марыя Челі падчас свайго візіту ў Дэлі.
" Інтэрнэт мае настойлівую патрэбу ў пастырскай апецы", - сказаў прэлат у Індыі,
дзе ён сустрэўся з асобамі, адказнымі за сродкі масавай інфармацыі ў нацыянальных
каталіцкіх дыяцэзіях. Арцыбіскуп з вялікай пахвалой адазваўся аб ініцыятывах, накіраваных
на пабудову сістэмы навучання ў сферы мас-медыя, прынятых у індыйскім Касцёле. Каталіцкая
Царква Індыі - адна з першых у свеце па гэтых показчыках. По словах кардынала, Інтернет
несумненна палегчыў зносіны, пашырыў магчымасці абмену ведамі, як ніколі наблізіў
розныя культуры. Карыстанне Інтэрнэтам стала перадумовай ўзнікнення новых над-нацыянальных
супольнасцяў, якія фармуюцца ў “лічбавым свеце”. Разам з тым, праз новыя тэхналогіі
бесперашкодна распаўсюджваецца і прапаганда нянавісці, спажывецтва, эксплуатацыі,
мае месца бессаромная маніпуляцыя грамадскім меркаваннем. Тым не меньш, асваенне Інтэрнэт-прасторы
застаецца найважнейшым заданнем для Царквы, хоць яна дае справаздачу ва ўсіх рызыках
і цяжкасцях, з гэтым звязаных. Каб новыя тэхналогіі сталіся даступнымі найшырэйшым
масам малазабяспечаных людзей у краінах трэцяга свету, неабходна дэмакратызаваць доступ
да лічбавых рэсурсаў. І ў гэтым кіраўнік ватыканскай кангрэгацыі таксама бачыць адно
з першачарговых заданняў Касцёла. "Каталіцкія інтэрнэт-старонкі павінны стаць прывабнымі
для ўсіх, хто шукае праўды ў кібэрпрасторы," - заявіў далей арцыбіскуп Челі. Яны
павінны быць адаптаваны для моладзі, паколькі менавіта маладыя людзі праводзяць у
Сетцы больш за ўсіх часу. У Еўропе, напрклад, моладзь атрымлівае праз Інтэрнет каля
30% агульнага аб'ёму штодзённай інфармацыі, прычым многія звяртаюцца да Інтэрнэту
ад безвыходнасці, імкнучыся вырвацца з кола адзіноты, - дадаў он.(Agnuz )