Shpërdorimet mbi të miturit: konferencë shtypi e ipeshkvijve irlandezë
(17.02.2010 RV)Ipeshkvijtë irlandezë përfunduan dje takimin dyditor në Vatikan,
për të përballuar, me Papën dhe bashkëpunëtorët e tij, çështjen dramatike të shpërdorimeve
seksuale mbi të miturit nga ana e anëtarëve të Kishës irlandeze. Pasdite prelatët
mbajtën një konferencë shtypi në sallën Markoni të Radios sonë. “Filluan Krezhmët,
kohë pendese; pendesë që duhet ta bëjmë ne, të parët: kardinali Shon Bredi, primat
i Kishës irlandeze, nuk i kurseu kritikat në drejtim të episkopatit të Irlandës.
Foli për zemërimin e zhgënjimin e besimtarëve, të cilët ndjehen të tradhtuar nga kleri
i vet. Duhet të përgjigjemi për këtë që ndodhi në Irlandë – theksoi me forcë prelati
– e më pas shpjegoi një nga temat kryesore, që u diskutuan me Papën: “The
question of… Viktimat ishin në qendër të vëmendjes në këto ditë takimi”. Veç
kësaj, u përballua edhe një temë tjetër, që i trondit shumë si viktimat, ashtu edhe
katolikët irlandezë: përgjegjësia e episkopatit, i cili nuk arriti ta parandalojë
atë, që po ndodhte. Nuk ka asnjë dyshim - nënvizoi ipeshkvi Denis Brenan – se Papa,
si bari universal i të gjithë katolikëve, ndjeu një dhimbje të thellë e të jashtëzakonshme,
kur u njoftua për këto shpërdorime: “We all know there’s great anger... E
dimë të gjithë se popullsia është tejet e zemëruar, e me të drejtë: nuk ditëm ta ndalojmë,
atë që po ndodhte. Tani e kuptojmë dhe e pranojmë përgjegjësinë tonë. Ipeshkvi
Jozef Dafi theksoi edhe se mungesa e unitetit në gjirin e Konferencës ipeshkvnore
irlandeze i pengoi përpjekjet për zgjidhjen e krizës, që lindi nga Raporti Mafi: “Wen
we talk about… Kur flasim për thellimin e unitetit mes nesh, duhet ta konsiderojmë
si dalje nga kultura e heshtjes, e sekretit, të mbivlerësuar në të kaluarën. Në se
duam të ecim përpara e të dalìm nga kultura e heshtjes, duhet të jemi të gjithë njëmendjeje. Prandaj
- përfundoi kardinali Bredy – e vetmja mënyrë për të rifituar besimin e humbur, është
ajo e përvujtërisë, e pranimit të përgjegjësisë sonë.