Pakistan: Kapet zëvëndësi i Mullah Omarit. Talebanët përgënjeshtrojnë.
(16.02.2010 RV)Burimet ushtarake amerikane dhe gazeta Nju Jork Tajms njoftuan
sot se në Karaçi është arrestuar zëvendësi i Mullah Omarit në Pakistan, 42-vjeçari
Baradar. Nga ana tjetër islamikët e përgënjeshtruan lajmin. Baradar ka luftuar kundër
sovjetikëve në Afganistan në vitet ’80. Më pas në vitin 1996 kur talebanët morën pushtetin
në Afganistan, u caktua zëvendësministër i mbrojtjes së Afganistanit. Që nga viti
2007 është anëtar i organizatës terroriste Kueta Shura, grup taleban që vepron në
Afganistan duke përdorur si prapavijë pikërisht Kuetën, kryeqytet i provincës së Baluçistanit
në Pakistan.