Ватыкан. Папа Бэнэдыкт 16 прыняў у суботу ў Клементынскай залі ўдзельнікаў Пленарнай
асамблеі Папскай Акадэміі абароны жыцця.
Біяэтыка - гэта «далікатная і вырашальная сфера,- заўважыў Святы Айцец. -Яна ...з
драматычнай сілай адсылае нас да галоўнага пытання: ці з'яўляецца чалавек прадуктам
эвалюцыі, ці ён створаны Богам? Актуальныя праблемы біяэтыкі вылучаюць на першы план
антрапалагічнае пытанне. Навуковыя адкрыцці і тэхнічныя магчымасці ставяць нас перад
выбарам паміж двума відамі мыслення: паміж розумам, адкрытым на трансцэндэнтнае разуменне,
і розумам, замкнёным іманэнтна. Гаворка ідзе аб напружанасці між гэтымі двума аспектамі,
і гэтая напружанасць робіць неабходным цэласны педагагічны падыход, які б дазволіў
асвятляць гэтыя тэмы пазітыўна, ураўнаважана і канструктыўна, асабліва ў тым, што
тычыцца адносін паміж верай і розумам." У сваёй прамове Папа далей звярнуў увагу
на тое, што біяэтыка ставіць нас перад пытаннем годнасці чалавека. Для хрысціян абарона
чалавека заснаваная на тым, што Бог глыбока і непаўторна любіць кожнага. Біяэтыка
як галіна навукі таксама мае патрэбу ў падставе, каб забяспечыць правільнае тлумачэнне
этычных праблем, звязаных з чалавечаю вартасцю. Такою падставай, па перакананні Папы,
павінен стаць "натуральны маральны закон". Без гэтага універсальнага прынцыпу немагчыма
было б знайсці аргументы на карысць абароны чалавечай годнасці і правоў, немагчыма
было б прыйсці да агульнай этычнага меркаваньня наконт тых ці іншых навуковых дасягненняў,
якія закранаюць чалавечае жыццё. Калі гаворка ідзе аб годнасці, важна тое, каб
павага чалавека была поўнай і нічым не абумоўленай. Калі навукоўцы маюць справу
з чалавекам, яны не павінны забываць, што ў іх у руках - не бяздушная матэрыя, якой
можна маніпуляваць. Сувязь паміж біяэтыкай і натуральным маральным законам дазваляе
разглядаць чалавека як суб'екта неад'емнага права на жыццё, а не як аб'ект, які залежыць
ад наймацнейшага. Гісторыя паказала, наколькі небяспечнай можа быць ідэалогія дзяржавы,
якая прымае законы аб грамадстве і асобе, калі само прэтэндуе на тытул крыніцы
і прынцыпу этыкі. "Пры адсутнасці універсальных маральных прынцыпаў ёсць рызыка рэлятывізма
на заканадаўчым узроўні.",- папярэдзіў актуальна Папа У канцы свайго звароту да супрацоўнікаў
Папскай Акадэміі абароны жыцця Святы Айцец пажадаў ім з мужнасцю і стараннасцю працягваць
незаменнае служэнне жыццю і выхаванню евангельскіх каштоўнасцяў для будучых пакаленняў.
Сваё Апостальскае благаславенне ім Папа пашырыў на ўсіх, хто падзяляе паўсядзённае
абавязацельства абароны чалавечага жыцця.