Iran: Paralajmërim i përbashkët i SHBA dhe BE për respektim të drejtave të njeriut.
(09.02.2010 RV)Tani që kanë mbetur vetëm dy ditë nga festimet e fitores së
revolucionit islamik, më 11 shkurt, rritet tensioni ndërkombëtar për dhunën dhe shkeljen
e të drejtave të njeriut në Iran. Ndërsa udhëheqësi suprem ajatollah Ali Khamenei
deklaroi se “atë ditë populli do t’iu japë një grusht turinjëve armiqve perëndimorë”,
pati përsëri arrestime të reja në mesin e përfaqësuesve të gjelbër dhe të atyre të
shtypit. Në një deklaratë të përbashkët të SHBA dhe të BE i kërkohet qeverisë iraniane
të mos përfitojë nga përvjetori i revolucionit islamik për t’i dhënë goditjen përfundimtare
opozitës dhe të ndyshojë qëndrim në lidhje me të kaluarën duke i kujtuar se “arrestimet
dhe gjyqet masive, kërcënimi me vdekje i atyre që dalin në rrugë, presioni ndaj familjarëve
të të burgosurve dhe mohimi i vazhdueshëm i shprehjes paqësore të fjalës janë kundër
normave të të drejtave të njeriut”.