“Я з надзеяю гляджу ў будучыню габрэйска-хрысціянскіх адносін”,- напісаў Дзяржсакратар
Ватыкану ў штомесячніку “Шлялом”, што выдае яўрэйская супольнасць Вечнага Гораду.
Увесь лютаўскі нумар гэтага часопіса прысвечаны гістарычнаму візіту Папы Бэнэдыкта
16 ў Рымскую Сінагогу і носіць загаловак “Сустрэча і дыялог”. Побач кардынала Тарчызіё
Бэртонэ бяруць слова таксама значныя прадстаўнікі юдаізма. Кардынал Бэртонэ адзначае,
што не быў лёгкім гэты візіт і ў паветры адчувалася напружанне. Аднак перамагло жаданне
сустрэчы і працягвання дарогі дыялогу ўзнятай некалькі гадоў таму назад. Дзяржсакратар
Ватыкану адзначае ў сваім артыкуле, што хаця ёсць яшчэ справы, якія нас падзяляюць,
аднак не перашкаджаюць яны быць братамі і гэта менавіта ёсць сведчанне, якога патрабуе
сучасны свет. У сваю чаргу галоўны Рабін Рыма Рыкарда Ды Сэн”і, ўказвае агульныя
сцверджанні, якія прагучалі як у прамове Папы так і ў словах прадстаўнікоў юдаізма.
Ён піша, што абодва бакі атрымалі тэксты сваіх выступленняў дзьве гадзіны перад сустрэчаю,
калі на будзь-якую карэкту было ўжо занадта позна. Рабін таксама нагадвае, што візіт
Папы суправаджаў клімат спрэчак і палемік. “Аднак верх узяло нашае жаданне ісці
ўперад, без адмаўлення ад сваіх прынцыпаў, удакладняючы погляды, якія нас падзяляюць,
калі ідзе справа пра гістарычныя, палітычныя, ці рэлігійныя пытанні”,- піша ён. Рабін
Ды Сэн”і ў сваім артыкуле засяроджваецца на многіх супольных адказах, якія былі дадзены
на пытанні зададзены падчас візіту Папы ў сінагогу.