Sudani Jugor. Rritet numri i të uriturve.

(02.02.2010 RV)Numri i nevojtarëve për ushqime në jug të Sudanit është katërfishuar e madje e ka tejkaluar këtë shifër për shkak të luftës por edhe të thatësirës. Kështu pohojnë agjencitë ushqimore të Kombeve të Bashkuara dhe ministria e bujqësisë dhe e pylltarisë e Sudanit jugor. “Numri më i lartë i të uriturve në jug të Sudanit regjistrohet pikërisht pak para fillimit të stinës së shirave, gjë që pastaj pengon edhe shpërndarjen e ushqimeve”. tha koordinatori i Programit Ushqimor Botëror të OKB-së Leo van der Velden. Pikërisht për këtë arsye Programi Ushqimore Botëror ka marrë masat dhe po shpërndan qysh tani 50 mijë tonë ushqime, vaj vegjetal etj.