Багародзічная малітва "Анёл Панскі" ў нядзелю 31-га студзеня
А поўдні гэтага дня Папа Бэнэдыкт 16 сустрэўся на Плошчы Святога Пятра з вернікамі,
якія прыйшлі каб супольна са Святым Айцом адгаварыць гэтую марыйную малітву. Прадметам
разважання Папы, перад адагаварэннем малітвы “Анёл Панскі” быў Паўлавы “Гімн аб любові”
з нядзельнае Літургіі. Любоў,- як сказаў Папа,- з”яўляецца адметнай рысай хрысціян,
таму што становіць сутнасць самога Бога. Любоў ёсць таксама выкананнем апошняе рэчы
ў вечнай сустрэчы тварам у твар з Богам. “Пакуль мы ў гэтым
свеце, любоў з”яўляецца адметным знакам хрысціяніна. Ёсць сінтэзам ягонага жыцця:
таго, ў што верыць і таго, што ён робіць. Такім чынам, у пачатку майго Пантыфікату
я вырашыў,- сказаў Папа да вернікаў,- прысвяціць сваю першую Энцыкліку менавіта пытанню
любові: “Карытас ін вэрытатэ”. Як вы памятаеце, гэты дакумант складаецца з двух
частак, якія адпавядаюць двум аспектам любові: яе значэнню, і затым прымяненню ў
жыццё. Любоў ёсць сутнасцю самога Бога, сэнсам стварэння і гісторыі, з”яўляецца
святлом, якое дае дабро і прыгажосць існаванню кожнага чалавека. У той жа час з”яўляецца
свайго роду “стылям” Бога і веруючага чалавека, ёсць стаўленнем таго, хто адказваючы
на Божую любоў будуе сваё жыццё як дар самога сябе для Бога і для бліжняга”,- сказаў
Святы Айцец. Бэнэдыкт 16 спаслаўся таксама да постаці Святога Яна Боско, заснавальніка
Салезіянскае Сям”і, літургічны ўспамін якога прыпадаў менавіта ў нядзелю 31-га студзеня.
Папа даручыў яго ў якасці прыкладу і нябеснага заступніка для святароў, асабліва
ў тым, што тычыцца іх працы з моладдзю. Пантыфік таксама нагадаў аб Сусветным дні
малітвы за мір на Святой Зямлі, што прыпадаў у мінулую нядзелю 31-га студзеня. Выказаў
салідарнасць з удзельнікамі гэтае ініцыятывы, у тым ліку з лацінскім Патрыярхам Ерусаліма
і францішканскім ахоўнікам Святой Зямлі. Сярод пытанняў, ўзнятых у часе прывітання
вернікаў, пасля адгаварэння малітвы “Анёл Панскі” знайшлося таксама пытанне эканамічнага
крызісу і звязанага з ім безпрацоў”я. Святы Айцец падтрымаў заклік Епіскапату Італіі
адносна гарантыі працы ды забяспечання годнага жыцця для сем”яў рабочых. На заканчэнне
паўднёвае сустрэчы Папы з вернікамі двух маладых людзей з Італьянскае каталіцкае
акцыі прачыталі заклік за мір у свеце і на знак гэтага выпусцілі трох галубоў. І
тут здарылася цікавая сітуацыя з імі. Адзін голуб узляцеў, іншы спакойна шпацыраваў
па падвакольніку, а вось трэцяя птушка ўцякла да таго, як трапіла ў рукі Папы. Некалькі
хвілін ватыканскі персанал шукаў голуба ў папскім апартаменце. У канцы голуба злапалі,
перадалі ў рукі Бэнэдыкта 16, і ён з усьмешкай на твары выпусціў птушку.