Էջ մը հայ երաժշտութէնէն

Երաժշտահան Արթուր Աւանէսով՝ Տաղանդաշատ Երիտասարդը

Երաժշտահան Արթուր Աւանէսով՝ Տաղանդաշատ Երիտասարդը

 Հայազգի երաժշտահան Արթուր Աւանէսովը կարելի է կոչել նաեւ հայրենի կոմպոզիտոր, քանի որ ան կ՝ ապրի եւ կը ստեղծագործէ Հայաստանի մէջ:  Ծնած է 1980ին, Մոսկուա: Եօթը տարեկանէն արդէն սկսած է դաշնամուր նուագել: Ուսումը ստացած է Երեւանի երաժշտանոցէն, յօրինումը՝ Ստեփան Ռոստոմեանի, իսկ դաշնամուրը՝ Էլենա Աբաջեանի դասարաններու մէջ: Երաժշտական գիտութիւնը կատարելագործած է Եւրոպայի մէջ, որպէս ժամանակակից երաժշտութեան կատարող՝ Փիեռ Բուլեզի ղեկավարութեամբ: 2005 էն ի վեր անդամ է անոր հիմնած «Laboratorium» ժամանակակից երաժշտութեան միջազգային համոյթի խումբ : Նոյն թուականին Արթուր Աւանէսով կը ստանայ արուեստագիտութեան թեկնածուի (Doctor of Arts) գիտական աստիճանը: Իր աւարտաճառի թեման էր ՜՜ձեն-բուդդիզմի փիլիսոփայութեան եւ ժամանակակից երաժշտարուեստի առնչութիւնները՝՝: Ներկայիս ՜՜կոմպոզիցիա եւ արդի երաժշտութիւն՝՝ կը դասաւանդէ Երեւանի երաժշտանոցին մէջ, միաժամանակ գիտաշխատող է Հայաստանի Գիտութիւններու ազգային ակադեմիայի Արուեստի ինստիտուտի մէջ:

Ըլլալով ժամանակակից երաժշտութեան բեղուն կատարող՝ 2001-ին Աւանէսով երաժշտաստեղծ Արամ Յովհաննիսեանի հետ միասին Երեւանի մէջ կը ստեղծէ համոյթ՝ հնչեցնելու համար աշխարհի ժամանակակից երգահաններու նորագոյն գործերը: Անոր սեփական ստեղծագործութիւնները կատարուած են միջազգային երաժշտական տարբեր փառատօներուն: 2003-2004 տարիներուն Հայաստանի մէջ մասնակցելով ՜՜Բենջամին Բրիտտենի եւ Ղազարոս Սարեանի անուան երաժշտական յօրինման մրցոյթներուն ան կը ստանայ երկու առաջին մրցանակներ՝: 2006-ին կ՝արժանանայ Նարեկացու անուան յօրինումի մրցանակին: Որպէս մենակատար եւ մասնակից հանդէս եկած է մօտ 300 համերգներով՝ Հայաստանի, Վրաստանի, Զուիցերիոյ, Աւստրիոյ, Սպանիոյ, Ռուսիոյ եւ Իրանի մէջ: 2006-ին ամերիկացի երգահան Լաուրա Կամինսկի հետ Աւանէսով կը մեկնարկէ փառատօն մը, որ կը կոչուի՝ «Ամերիկա-Հայաստան. երաժշտութիւնն այժմ»: