Papa Gjykatës Kishtare Romake: mos të ndahen dashuria e drejtësia
(29.1.2010 RV)Sot paradite Papa priti në audiencë në Sallën Klementina, në
Vatikan, anëtarët e Gjykatës së Lartë Kishtare Romake, që njihet me emrin Rota Romana,
me rastin e përurimit të Vitit gjyqësor. Në fjalimin e tij Ati i Shenjtë Benedikti
XVI nënvizoi nevojën, para proceseve që kanë të bëjnë me shpalljen e pavlefshmërisë
së martesës, të mos ndahen dy përmasat e drejtësisë dhe e dashurisë. “Kush i do të
tjerët me dashuri të vërtetë, - tha Papa - parasë gjithash është i drejtë ndaj
tyre. Jo vetëm që drejtësia nuk është diçka që nuk ka të bëj me dashurinë, jo vetëm
që nuk është një rrugë paralele apo alternative me dashurinë: drejtësia është e “pandashme
nga dashuria”, është pjesë e reale dhe e pandashme e saj”. (Caritas in vertate). Dashuria
pa drejtësi nuk është e tillë, por vetëm një falsifikim, sepse vet dashuria e kërkon
atë objektivitet apo paanësi që e karakterizon drejtësinë, e cila nuk duhet ngatërruar
me ftohtësinë çnjerëzore. Lidhur me këtë, siç ka pohuar paraardhësi im, i nderuari
Gjon Pali II, në fjalimin kushtuar marrëdhënieve ndërmjet veprimtarisë baritore e
drejtësisë: “Gjykatësi (...) duhet të ruhet gjithmonë nga rreziku për mos ra në dhembshuri
që do të kalonte në sentimentalizëm, çoftë vetëm edhe baritor “. “Procesi e vendimi
janë të lidhura thellësisht me drejtësinë e vihen në shërbim të saj”, e “operatorët
e drejtësisë”, gjykatësit e avokatët, nuk duhet të flijojnë të drejtën “për dëshirat
dhe pritjet që kanë palët”. Kështu pohoi Papa para anëtarëve të Gjykatës Kishtare
Romake, me rastin e përurimit të Vitit gjyqësor. “Administrimi i drejtësisë, bazohet
mbi “vullnetin e prerë e të qëndrueshëm për t’i dhënë Zotit e të afërmit atë çka duhet
t’u japim atyre”, për çka është më shumë se kurrë i rëndësishme rizbulimi i vlerës
njerëzore e të krishterë, edhe brenda Kishës”.