ብፁዓን ጳጳሳት ኬንያ

ሕይወት ካብ ምጽናስ ዝጅምር ምዃኑ ዝሕብር መሠረታዊ መምርሒ ንኽኽበር ናይ ሕይወት ባህሊ ዘማእከለን ሕይወት ካብ ምጽናስ ክሳብ ባህርያዊ ሞት ክኽበር ከምዘለዎን፣ ዝኾነ ይዅን ዓይነት ዝስበኽን ዝሕንጸጽ ሕጊ ኮይኑ ዝቐርብ ናይ ሞት ባህሊ ዘስፋሕፍሕ ውሳኔ ክውገድ ዘነቓቕሕ መገልጺ ካብ ናይ ኬንያ ብፁዓን ጳጳሳት ቤት ምኽሪ ከምዝተመሓላለፈ ፊደስ ናይ ዜና ኣገልግሎት ሓቢሩ።

ናይ ኬንያ ህዝባዊ ባይቶ ድረገት ሓዳሲ ቅዋም፣ ሕይወት መዓስ ኢዩ ዝጅምር ንዝብል ሕቶ ካብ ምጽናስ ዘይኮነስ ካብ ምውላድ ኢዩ ዝብል ሓሳብ ዘንጸባርቕን ምንጻል ጽንሲ ናይ ምፍቃድን ናይ ሞት ባህሊ ዘተኣታትውን ሓሳብ ብውሽጡ ዝማላእ መልሲ ዘቕርብ ምዃኑ ናይ ኬንያ ብፁዓን ጳጳሳት ቤት ምኽሪ ኣብ ዝውጽኦ መግለጺ ከምዘመልከተ ፊደስ ናይ ዜና ኣገልግሎት ኣረጋጊጹ።

ናይ ኬንያ ካቶሊክ ቤተ ክርስትያን ቅድም ክብል ናብቲ ናይ ኬንያን ቅዋም ሃገር ንኽሕድስ ዝተመዘ ድርገት፣ ናይ ሕይወት ባህሊ ዕሽሽ ንኸይብሃል ዘቕረበቶ ጻውዕቲ እቲ ድረግት ከምዘየኽበሮ ናይ ኬንያ ብፁዓን ጳጳሳት ቤት ምኽሪ ኣብ ዘውጽኦ መገልጺ ከምዘመልከቶ ፊደስ ናይ ዜና ኣገልግሎት የመልክት።