(26.01.2010 RV)U zhvilluan sot në Sri Lankë votimet për presidentin e ri. Bëhet
fjalë këtu për zgjedhjet e para të lira pas konfliktit të përgjakshëm ndërmjet ushtrisë
së rregullt dhe Tigrave Tamil që zgjati afro 30 vjet e që shkaktoi 100 mijë viktima.
Ditët e kaluara gjendja ishte shumë e tensionuar dhe votimet u zhvilluan në një klimë
të ashpërsuar nga dhuna. Orët e fundit përpara votimeve pati disa atentate në qytetin
verior të Xhafnës, qendër e rebelëve Tamil, por fatmirësisht pa viktima. Me rastin
e këtyre votimeve kryeipeshkvi i Sri Lankës Imzot Malkolm Mangjith uroi që pas zgjedhjeve
presidenciale vendi të hyjë në një periudhë “paqeje dhe zhvillimi”.