Irak: një atentat i ri kamikazë në Bagdad shkakton 18 vetë të vdekur
(26.1.2010 RV)Masakër e re në Bagdad. Të nesërmen e atentatit të trefishtë
në zonën e hoteleve, një kamikazë me një autobombë ka shpërthyer në ajër para institutit
të mjekësisë legale të policisë. Bilanci është 18 të vdekur, pesë policë e 13 civilë
kryesisht punëtorë të strukturës, e 80 të plagosur. Shpërthimi kishte për cak
ndërtesën e ministrisë së brendshme në lagjen Karadah. Sulmuesi vetëvrasës e hodhi
veten në erë me automjetin me eksploziv kur policia nuk e lejoi të kalojë në një postbllok.
Siç kujtuam, atentati ndodhi një ditë pas tri shpërthimeve në kryeqytetin irakian,
që lanë 36 të vdekur dhe rreth 70 të plagosur.